Popular Bible Verses from Matie 28

Share

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n, ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Ɔwɔ-kùyüre-wrɔn lɔ mrɛ́n ɔmùan kɩ kɛ dɔ́ wúyɔ̀ hɔ̀n lɔ le: “Ɛnjansù ke bɩ́ ẅɛn nyɛ̀n. Mɛ́n nyrì le nye ji Zhezü, nɛ́n léyi yɛ gɔ́n nɛ̀n brɛ́ ɛgbàn-hán-tɛ̀ domɛ̀n nɔn; nɛ̀n sɩ̀ dù ɛnu, nɛ̀n dú owú-bɔ̀ mɛ̀n nɛ̀n vá ɔkɔrɛ-bɔ̀ mɛ̀n hán ɔmu le nɛ́n dɔ̀ nɔn hɔ́. Nyɛ́n và, nyɛ́n nyan ɛyri léyi nɛ̀n dɛ́ nɔn.

Zɛtɛn Zhezü kɛ dɔ́ yɔ le: “Ɛnjansù ke bɩ́ ẅɛn nyɛ̀n. Nyɛ́n hɔ̀n nyɛ́n dɔ́ nmàn ẅì hɔ̀n kɛ hɔ́n Galile kpɔsɔ wú: nanvrɛn de yɔ lɛ kán mɛ̀n nɔn.”

Ɔwɔ-cice-bɔ̀ cüìcüì hɔ̀n mán ɛcüìcüì-bɔ̀ borɛkru: yɔ ẅɛn ɔmùan-krɔn, yɔ tán gɔliɛ-bɔ̀ lɔ ɔkùa bobrebe, kɩ yɔ dɔ́ yɔ le: “Nyɛ́n dɔ̀ le n'ɛsɛ̀nkɛn-bɔ̀ vá bɩ́ n'edùwrú lɔ ɛnnyran mɛ̀n, ɛnvra léyi ndà wri nyɛ̀n nɔn. Kɩ ke dú kɛ govràn kɛ cɔ̀ kɛ yá hô, bɔ́ lɛ wɔ́ nɛ̀n ɛnbɔrɛ kɩ nyɛ́n sɩ̀ cɔ́ ankà n'antamɛ̀n.” Gɔliɛ-bɔ̀ bɩ́ ɔkùa lɔ kɩ hán eci léyi yɛ wá tán yɔ yɛ hán nɔn. Ɔmu lɔ de ankà ndɔ lɔ bonyí Zhüifɛ̀n hɔ̀n anmàn-hi wú lɔ fɛn hàn kɩ cɔ́ zɛtɛ̀ lɔ nɔn.