Popular Bible Verses from Luka 7

Share

A mojɔ momina, mbi natɔndɔkɔ wɛ bo jibe jinde jia jidi jinɛnɛ, jikinami, mojɔ bo adi na epaeli enɛnɛ. Moto ko akasɔ boyɛ bokɛkɛ, adi oko na epaeli ekɛkɛ. Yesu abala na mwali bo, Jibe jiwɛ jikinami.

Yesu ko abala na mwali bo, Ejimeli ewɛ ehelejai wɛ; yana na bowi.

Ama a ngɔngɔ jiYesu, oko a bibota binde. Ayeaka bio, na mbisoli jinde jitanga a diko dibibota biYesu, na abihakoa na swe jimolo monde. Ahia bibota binde na abisuoa malasi.

Mbi nakɛiti ai wɛ mbi mɛnɛ, mojɔ bo nalɛki bo nabɔngiti. Bala oko ekenge emɔci pɛ, na mobuli ombi âhela. Mbi mɛnɛ nasumaka baya badi boso bombi. Nadi koko na basoda ngɔngɔ jimbi. Nakabala na okina bo akɛe, adi bokɛ. Nakabala na otongo bo adoe, adi bodoa. Nakabala na mobuli ombi bo akɔe ekina elomu, adi bokɔ. Yesu akamoa bou a mojɔ mokapitɛni yana aka yo bikenge bimna. Ahekoa, na abala na bato baya badaka bacingi na nde engbanga bo, Mbi natɔndɔkɔ no na soti bo napakiti nɛ ejimeli enɛnɛ boa, nongo a Yisalaele mɛnɛ.

A ehole emina, Yesu ahelejaka bato banɛnɛ a bego, na bipeko, na miembo mibe; adipoaka koko miso mabato banɛnɛ baya bagwa miso. Iyo abasɔmbeja bo, Kɛni atɔndɔe Yoane mijɔ mini no na mijɔ miki no. Baya bagwa misɔ basɔkɔ njɛnɛ; bato bamitɛngu badalaka; bato bamaba bahelaka; bato babohoka badi na njoki; bagwake basɔkɔ bomɔ; bato babokwali bakaka Mwako Mopele.