Popular Bible Verses from Malako 2

Share

Aka Yesu mojɔ momina, abala na bu bo, Bato banjilake babwaniti na monganga, oko baya bapekaka. Mbi nadoiti a bobea bato babodongo, nadoi oko a bobea bato babe.

Iyana anɛ Yesu ejimeli ebu, abala na moto omokɔbɛlɛ bo, Mwana, jibe jiwɛ jikinami.

Yesu abala na bu bo, Busa boSabata bodi a mojɔ mobato; bato ko baikɔɔmɔ a mojɔ moSabata.

Ibo ko bainɛ nongo njea a bobatama na nde a mojɔ moembamba ebato. Oko boa, bahoja njea a mwanja mondako edaka Yesu; basoloja esambe oko a lipose limina, na moto omokɔbɛlɛ adaka asambi ena.

Ino ko odini bojeba bo Mwana ’Moto adi na kpaci ya nase a bokina jibe. Oko boa abala na moto omokɔbɛlɛ bo, Mbi nabalaka na wɛ; Angɔ, tomba esambe ewɛ, yana a ndako ewɛ.

Mojɔ monɔi na bopipo nda? A bobala na moto omokɔbɛlɛ bo, Jibe jiwɛ jikinami; isa, Angɔ, tomba esambe ewɛ na dala?

Iyo angɔ, atomba esambe ende bokpa, na amana a boso bobu basusu. Ibo basusu bakamoa a mojɔ momina, bakumeja Njambe, na babala bo, Iso bopakiti nɛ mokina mojɔ boa.