Popular Bible Verses from Yoane 16

Share

Mambu yai mono imene kutuba kwa beno, na mu mono, beno lenda kuvanda na yenge. Mu nsi beno tavanda na mpasi, kansi vanda na kikesa. Mono imene kuluta nsi ngolo.

Kansi bu yandi Mpeve ya kieleka imene kwiza, yandi tatwadisa beno mu kieleka yonso; kadi yandi tatuba ya yandi kibeni ve, kansi mambu yonso ya yandi takuwa, yandi tatuba, ye yandi tasonga beno mambu ya ikele kwiza.

Ti ntangu yai beno imene kulomba kima ve mu nkumbu ya mono. Lomba, ye beno tabaka, na kiese ya beno lenda kulunga.

Kansi mono tuba kwa beno kieleka, yo ikele mbote kwa beno kana mono kwenda, kadi kana mono kwenda ve, Nsadisi takwiza kwa beno ve; kansi kana mono kwenda, mono tafidisa yandi kwa beno. Kana yandi kwiza yandi tasonga nsi sambu na mambu ya masumu, ye ya lunungu ye ya mfundusu

Ntangu yai beno mpe ikele na ntantu; kansi mono tamona beno diaka, ye ntima ya beno tayangalala, ye kiese ya beno muntu zaba kukatula ve. Kilumbu yina beno tayuvula mono kiuvu ve. Kieleka, kieleka, mono tuba kwa beno: Kana beno talomba konsokima ya Tata yandi tapesa yo mu nkumbu ya mono.

Kieleka, kieleka, mono tuba kwa beno, beno tadila ye vanda na nionga, kansi nsi tayangalala, ye beno tavanda na ntantu, kansi ntantu ya beno takituka kiese.