Popular Bible Verses from Yoane 21

Share

Bu bau manisa kudia, Yesu tuba kwa Simoni Petelo: Simoni, mwana ya Yona, Nge zola mono na luta bau yai ? Yandi tubaka kwa yandi: E, Mfumu, nge zaba, na mono zola nge. Yandi tubaka kwa yandi: Dikila bana mameme ya mono. Yandi tubaka diaka kwa yandi mbala ya zole: Simoni, mwana ya Yona, Nge zola mono ? Yandi tubaka kwa yandi: E, Mfumu, nge zaba na mono zola nge. Yandi tubaka kwa yandi: Vanda mvungi ya mameme ya mono. Yandi tubaka kwa yandi diaka mbala ya tatu: Simoni, mwana ya Yona, Nge zola mono ? Petelo vandaka na ntantu, sambu na yandi tubaka kwa yandi mbala ya tatu: Nge zola mono ? Yandi tubaka kwa Yandi: Mfumu, nge zaba mambu yonso; nge zaba na mono zola nge. Yesu tubaka kwa yandi: Dikila mameme ya mono.

Kieleka, kieleka mono tuba kwa nge bu nge vandaka toko, nge kangaka mukaba ya nge, ye tambulaka na sika ya nge zola, kansi bu nge tanuna, nge tanangula maboko ya nge, yankaka takanga nge mukaba ye nata nge na sika ya nge zola ve.

Yandi tubaka kwa bau: Losa konde va lueka ya kibakala ya bota, ye beno tamona. Buna bau losaka ye ntangu yai bau lendaka ve kubenda yo sambu na bambizi mingi.

Simoni Petelo tubaka kwa bau: Mono imene kwenda kutamba bambizi ya masa. Bau tubaka kwa yandi: Beto mpe kwenda na nge. Bau kwendaka, ye kotaka mu bota; ye mpimpa yina bau simbaka kima ve.