Popular Bible Verses from Matai 18

Share

Kadi konsosika na zole keti tatu kutakana mu nkumbu ya mono, kuna mono ikele nakati ya bau.

Diaka mono tuba kwa beno: Kana zole ya beno ndimana va ntoto mu konsokima ya bau talomba, Tata ya mono ya ikele mu zulu tasadila beno yau.

Yandi bingaka mwana fioti, ye tulaka yandi nakati na bau, ye tubaka: Kieleka, mono tuba kwa beno, kana beno pindula ve ye kwiza bonso bana fioti, beno lenda ve kukota mu kimfumu ya zulu.

Sambu na yai konsonani ya dikulumusa bonso mwana fioti yai, yandi ikele kuluta nene mu kimfumu ya zulu.

Ye konsonani ya baka mwana fioti mpilayai mu nkumbu ya mono, ikele kubaka mono.

Kieleka, mono tuba kwa beno: Yonso ya beno takanga va ntoto takangwa mu zulu, ye yonso ya beno kangula va ntoto takangulwa mu zulu.

Mpilayai mpe Tata ya mono ya zulu tasadila beno, kana beno vidisila ve mpangi ya beno mu ntima ya beno.

Kansi konsonani ya tesisa sakuba mwana mosi fioti yai ya kwikila mono, ikele mbote kwa yandi kana ditadi ya nene ya nikuna fufu takangwa va nkingu ya yandi, ye yandi loswa mu kati mbu.

Beno banza nki ? Kana muntu ikele na mameme nkama, ye mosi vilaka, yandi tabika ve makumi uvwa ye uvwa va miongo, ye kwenda kusosa ya vila ?