Popular Bible Verses from Malako 10

Share

Kadi Mwana ya muntu kwizaka ve, na bantu sadila yandi, kansi kusadila bau ye kupesa moyo ya yandi nkudulu ya bantu mingi.

Yesu talaka bau ye tubaka: Kwa bantu yo lenda ve, kansi kwa Nzambi, kadi kwa Nzambi mambu yonso lenda.

Yesu tubaka kwa yandi: Kwenda, lukwikilu ya nge imene kuvulusa nge. Nswalu yandi monaka diaka ye landaka Yesu mu nzila.

Mpilayai yina ya Nzambi imene kubunda sikamosi, bika muntu pasula yo ve.

Yesu talaka yandi ye zolaka yandi ye tubaka kwa yandi: Nge konda kima mosi, kwenda kuteka bima yonso ya nge ye pesa kwa bansukami, ye nge tavanda na kimvwama mu zulu, ye kwiza kula, nda mono.

Yesu vutulaka kwa yandi ye tubaka: Nge zola mono sadila nge nki ? Mpofo tubaka kwa yandi: Nlongi, mono zola kumona diaka.

Kansi yo ikele mpilayai ve nakati na beno, konsonani ya beno ya zola kuvanda nene, yandi tavanda sielo ya beno.

Kieleka mono tuba kwa beno: Konsonani ya baka kimfumu ya Nzambi ve bonso mwana fioti, yandi takota mu yo ta fioti ve

Kansi mingi ya ikele nantwala tavanda nanima, ye bau ye ikele nanima tavanda nantwala.

Kansi tuka luyantiku ya nsemono, Nzambi salaka bakala ye nkento. Sambu na yai muntu tabika tata ye ngudi ya yandi ye vanda na nkento ya yandi, bau zole tavanda nsuni mosi, sambu na yai bau ikele zole ve kansi nsuni mosi.