Popular Bible Verses from Yoane 14

Share

Lokocikel’ino mwi, lokof’ino mwi enami; mpakof’ino la bokotua bonafeela bato bana loko. Botalangake betem’enino bekeswa la lokeseli, ko botokake bofolu en’etem’enino.

Yesu amosumola, ate, Emi nde nde Mboka, ko la Solosolo, ko la Liiko; efan’oto onoya eneyali Bafango yengoko l’emi kei.

Botalangake betem’enino bekeswa la lokeseli. Bimedya Yakomba; bonjimedy’emi nkoho.

Koko Bokambi, nko Bolimo bon’olotsi, onongi Bafango otoma ena lina linami, angokolak’ino baoyi bahatu, ko angokoofody’ino baoyi bahatu banaki’m’okosumolak’ino.

Ende onoyali la beeka benami, ko amonya beho, ende kongonjok’emi nganji; ko ende ononjok’emi nganji, Bafango’onami angook’ende nganji, ko emamene nongook’ende nganji, ko nongoyotum’emamene eneyal’ende.

Ko nongufola Bafango, ko angokof’ino Bokambi’omoi, lacin’eho ayalame l’ino nko njalama, nko Bolimo bona Solosolo, onofatambamisa l’ato bana loko, lacin’oka iyo bafeen’ende, ko bafeeya: ino bey’ende, lacin’ende aoyalama l’ino njalama, ko angoyala en’etem’enino.

Ko baoyi ban’etaketaka banang’in’oufola ena lina linami, nongila baho, lacin’eho Bafango akumyame eneyali Bona. Nko bufola yoi lin’etaketaka ena lina linami, nongila liho.

Yombo bonjoka nganji, tumbe bongomonya beeka benami.

En’otumba bon’afango’onami batonga bayali bike. Yombo etayala yok’osamb’oho, tumbe mokosumol’ino. Locoa oyokokolanyedy’ino edye ntutuma.

Koko yombo locoa okokolanyedya edye, nongoya lakina, ko nongokotamb’ino eneyal’emamene, lacin’eho en’edye eneyal’emi, ino boyalama nko meho.

Toma amosumola, ate, Nkolo, enaco’e tofeya; ko tongononganya mboka yok’osamb’oya?