Popular Bible Verses from Luka 5

Share

Abere abibuga mwabwira Simoni ati, Mugende ahari omutobero mutogeraye ebisohi byenyu musohe.

Simoni mwamusubirya ati, Mukama, tusibire omo kiro kyosi tukakola kutsibu sitweta banaki! Nikwa okwibuga ryawe nganditogeryabyomo. Babere babikola batya, mobabana mahera mangi; nebisohi mobyasonda eritwika

Nikwa iye mwayigabula kubo mwaya omo mbwarara mwasaba.

Mondasa eribirikira abatunganene, nikwa abakolanabi babinduke.

Nikwa Simoni Petero abere alangira ekyo, iniagwa oko malwi wa Yesu mwamubwira ati, Ulwe kwingye Mukama, kusangwa indi mundu mubi.

Yesu mwasubiryabo ati, Abakalire sibari nobwaga bwomu saki, nikwa abalwere.

Neryo babere babileta amato oko mukokoro, mobasiga ebyosi mobamukwama.

Nomugulu abya oko muyi muguma, mohahika omundu inialwere ebihaga bingi; abere alola oko Yesu mwalambama ahisi oko busu buwe mwamugonga-gonga ati, Mukama, wa mabya wanzire, wangatoka erinyerya. Neryo mwakakya okuboko, mwamutulako ati, Nyanzire; were. Neryo-neryo ebihaga mobyamulwako.

Nikwa kwilaba aho engulu eyo moya tsungana busana naye; nesyondeko nene mosyahindana eri mowa nerilamibwa kwesyondwala syabo.