Popular Bible Verses from Mateo 2

Share

Habadi abatwele mu nshibo, abamwene winyi mwana toka na Madiya nyin’e, biabia abakunamine manwi hashi, tabamulangwila; na hababāngwile bia bineme biabo, abamulambwile bia-buntu bia kilonda kia nsahabu, na bia mahembwe, na bia malashi.

Binyibiabia habatandjilwe Yesu mu Beteleme a Yudea, mu mafuku a nfumu Heloda, talai, kubafikile basha binangu kw’Esete ku Yelusalema; abo’shi: A yawa mutandjibwe nfumu a ba Yudea, e kwi kunyi? Mwanda tubamwene lwenyenye lwe mu Esete, nyi biatubafiki kumulangwila.

Habamwene lwenyenye abasehelele na kusangala kwi moo.

Anka habadimwinwe kw’Efile Mukulu mu kilotwa’shi: Tanualukilanga kwi Heloda, abakatukile, bayile ding’eshinda ku nsenga yabo. Habayile, talai, mwikeilu a Yehowa bamwekyele kwi Yosefe mu kilotwa’shi: Buka, ata mwana mukinga na nyin’e, nusukye ku Ndjihitu, okekale kwanka mpaa na hankakulungula mwanda: mwanda Heloda akyebe kufwila mwana mu kumwihā.