Popular Bible Verses from Mateo 24

Share

Na ha mwanda wa kushiula kwa bishila akukakamba, kifulo kia be bungi akikatāla. Anka yawa akanyingamana mpaa na kunfudilo e akahanda.

Na uno mukāndu wibuwa wa bufumu bw’Efile-Mukulu aukalungulwa hanohasenga hoso bu bulungudi bwa bu kamonyi ku mīio yoso; henyihalia kunfudilo akukafiki.

Anukahusha myanda ya ngoshi na nkumo ya ngoshi; Tanwikalanga na katshima munda, mwanda (bino) bintu bioso tabikakutwa kufika, anka kunfudilo tankubandjile kufika.

Mwanda mīlo na mīlo ayiketukena ngoshi, na mafumu na mafumu. Akukekala minanga, na bihuha bia masungu, na nsenga ayikatenkatenka mu bihindji na bihindji. Bino bioso nyi kibangilo kia bishiotshi.

Eilunansenga abikashimina, anka myanda yande tayikakidi; ooo.

mwanda be bungi abakafiki mwishina diande’shi: Ami nyi Kidisitu. Abakōngola be bungi.

Henyihaha abakenufisha ku malwa, na kwi nwihā; anukashikībwa na mīlo yoso ha mwanda w’eshina diande. Biabia be bungi abakakokolwa, abakehulukishena muntu na mukwabo, muntu na mukwabo, na kwishikwena. Batemuki ba madimi be bungi abakēbō, abakōngola be bungi.

Yesu beoālulwile’shi: Dimukai tanōngolwanga na muntu

Binyibiabia anwe namu nwikale bēmane; mwanda mu nsa yianushyanutentekyesha, Mwan’a Muntu akafiki

Binyibiabia tengelai, mwanda tanwiuku nguba ayikafiki Nfumwenu.

Anka ha mwanda w’adi ’efuku, na yaya nsaa, takwi muntu ebiuku, ooo, sunga bamwikeilu be mwiilu; anka Shami, kubahu.

Mwanda baKidisitu ba madimi abakēbō, na batemuki ba madimi, abakalesha bitundwilo bikata na biakukanya; na kōngola sunga basangudibwe su mbiabia takukutwa kukitshibwa.

Anka mubadi mwikele mafuku a Noa, anka biabia namu nyi a mukekala kufika kwa Mwan’a Muntu. Mwanda anka mubadi mwikele aa mafuku abadi kwibedi kwa kiino kia mpeshi, babadi abadyi na kutoma; babadi ababamba, babadi ababambibwa, mpaa n’ahabafikile efuku dibatwelele Noa mbwato bukata. Tababadi beukye mpaa n’ahabafikile kiino kibebashimishe boso; Anka biabia namu nyi a bikekala ha kufika kwa Mwan’a Muntu.