Popular Bible Verses from Matayo 19

Share

Lolo Yesu aolaala, aolakela, Joi line lifokelama l’anto, lolo Nzakomba aokeleya baoyi’auma.

Iyo bafa lenkina bafe, lolo bale nko jonge limoko. Nd’ewela eko, baki Nzakomba osanganyaka, nk’onto olenole.

Aolamba, aokela, Kamb’inyo lotaande wae ende ondaemaki lim’iango aolaema jende l’omoto, ko akela, Nd’ewela ene bonto ifocik’ise la nyango ekande, ko ifoamana la waji’okande; ko iy’ak’afe bifoyala jonge limoko?

Lolo Yesu akela, Lambacike, tonkune bay’el’emi, talafekake; ele ba likulaka ja loola bale eleng’el’iyo.

Lolo bam’auke bale nda joso bifoyala nd’afeka, ko bale nd’afeka bifoyala nda joso.

Ko wengi’onto osundolaki tolombe, nkina batomolo l’akune, nkina bankana, nkin’ise, nkina nyango, nkina waji, nkina bana, nkina basala, nd’eloko ea lina likami, ifamba ng’onkam’onkama, ko ifosangola loiko lotasilaka.

Yesu aolokela, Nga olanga wae welame o njelama, kenda yotekya liaci liata we, ko kaya banto b’eola, ko wifoata liaci nda loola: ko yaka, yonkime.

Ko aolokela, Ontang’emi bolotsi lae? Ole bolotsi nk’omoko, ende wete Nzakomba: nkin’olanga wae wotswa nda loiko, fonga bisekyelo.

Ko nsangel’inyo lenkina, La ngamela acuana lilusu ja nteli la bonto ow’oaci ow’aumba otswa nda likulaka ja Nzakomba, olekola bolo wete otswelo ea boaci ow’aumba.

Ko nsangel’inyo, bonto nko loswele ooma liala ndats’ende la waji’okande, waji ntaata likambo ja jibi, ko aokol’onkina, ende mongo akela jibi; koko bont’okol’ende oki’nd’oimolaka aokela jibi.

Koko Yesu aokela bakimi’akande, Nsosolo, nsangel’inyo, otswelo ea boaci ow’aumba nda likulaka ja Nzakomba ele bolo.