Popular Bible Verses from Matayo 5

Share

Ntabaambolak’itswa wae bile nd’ase b’eoko, lolo nd’ilelo ea itswa: ko iongesa el’anto bauma bale nd’ilombe. Eleng’eko lokela fole ekinyo engese nda joso j’anto, wete bene beketo’ekinyo bi’olotsi, ko bamemya Ise ekinyo ole nda loola.

Inyo lole fole ea benanga. Bonanga bole nda ngongo bofisameya.

Iy’ale la betema bia feto baokem’ekemo; el’iyo bifena Nzakomba.

Iy’andoka baoyi ba liongi nzala la mposa baokem’ekemo; el’iyo bifokinda.

lolo emi nsangel’inyo, Loka baini’akinyo eefe, loondel’iyo banyokol’inyo

Iy’ale boola nd’olimo baokem’ekemo; ele likulaka ja loola lile likiyo.

Iy’andoamanya banto nd’oseka baokem’ekemo; el’iyo bifotangema bana ba Nzakomba.

Iy’akesela la lokeseli baokem’ekemo; el’iyo bifolombwama lokeseli.

Iy’anyokwa nd’eloko ea liongi baokem’ekemo; ele likulaka ja loola lile likiyo.

Iy’andok’anto isei baokem’ekemo; ele isei ifokan’el’iyo.

Ae banto otang’inyo lotango, ko baonyokol’inyo, ko baofat’inyo bobe bouma nd’eloko ekami, inyo lokem’ekemo. Losalangana, ko lokem’ekemo bouke; ele ndako ikinyo il’inene nda loola; ek’iy’onyokolaka bateli baki nda joso likinyo o ngoko.

Ba bongengo baokem’ekemo; el’iyo bifosangola bokili.

Inyo lole bokwa w’okili; lolo nkina bokwa bosila ngenge, boate lenkina ngenge la na? Bofaoonga lenkina, lolo wusame, ko banto bamatel’oko l’akaka.

Nd’ewela eko inyo loyalema ba liongi ja momo, eleng’ele Ise ekinyo ea loola ale owa liongi ja momo.

Kela joi likinyo liyaleme Onde, Onde; Nye, Nye; ko baoyi balekol’ako bale lim’ele Ow’obe.

Lokaki joi likelamaki, Liso jumana la liso, ko la lino la lino; lolo emi nsangel’inyo, Talosukake ow’obe; lolonde nkina bonto akosakola lotaka nda litama likawe j’elome, w’okengoele litama linkina.

Nkina liso likawe j’elome likokunumweza, tokola liko, ko boka lim’ele we; bolotsi ele we wae elama ekawe emoko efitane, nyango jonge likawe liuma lifusame nda Ngena. Ko nkina likata likawe j’elome likokunumweza, tena liko, ko boka lim’ele we; bolotsi ele we wae elama ekawe emoko efitane, nyango jonge likawe liuma lifusame nda Ngena.