Popular Bible Verses from Matayo 24

Share

Limɔ eoka mbo litefoli litokonda finɛ, basi wike batotɛkwa, samɔ ya beoto bitosaa; kongo ko oyatokɔkɔmɔ ko nda liko, ambo inde elauwesomoko.

Mboli Ilau-bi bilanangolomoko nda wenda bototina kwa boekï wotomo ende bato ba tukela bitotina. Lamao basilelo belayaka.

Bolaokaka mboli ya bita la iwaesa sha bita; owangëke, eoka bilayaka nde, kongo ko losilo lokayi kɔni.

Yese la yese bitowesana, la bɔkɔta la bɔkɔta batowesana, fondo la lotukeso loa nyɛlɛ bilayaka la elela la elela. Nde bitotina-bi bile ko liakoli lia ielo.

Use la se bilawanjwaka bao, kongo ko baoi bami batilawanjweke imɔ.

eoka wike batoya nda lina liami ani batoonga mbo— Imi yende Masiya la batoengolaka basi wike.

Lamao bɛkɛsɛkɛ ino ende ebatokuchak’ino la batool’ino la boiyanomoko l’eoka ya lina liami nda tukela bitotina. Wike bekwaka se, la boto atowamba wina lande, la beiyanaka la batɔndɔli ba nanga wike beyaka nde, limɔ iyo belimbaka basi wike.

Yesu lomutoel’iyo mbo— Lambaka la wɛlï mbo boto atalimb’ino

Eokao enganaka la yose, eoka Wana wa Boto eyaka nda mbile eyeitoenyela lanu.

Eokao lambaka la wɛlï, oitolüwa bocho ebokayeke la Ngɛnɛ wanu.

Nde angwɛnɛ oto angɔmwito nd’alüwi lise lina, kwa saa ena, bakitomo angolüwa, Wana angolüwa, sakolo ko Sango Inde nd’alüwi.

Eoka BaMasiya ba nanga la bɛtɔndɔli ba nanga beyaka nde la tokesa la ndembe ya isosha mbo bekɔkɔlɔ ndolimbaka ango ebasoaaomo angɛnɛ.

Nde kwa ayaläkä bato nda mbile ya Noa, belayalaka nda bayelo ba Wana wa Boto. Eoka nda bacho oso wa fela efi, bato balakäkä bieka la bamwäkä, basɔngɔ̈kɔ̈ la basɔngɛsɔmɔ̈kɔ̈, konda lise eliaɔtɔkɔ Noa nda ndakɔ ya watɔ, la batialüwäkä ani ayäkä fela efi loyaɔmbes’iyo yaatotina hɔmbɛ; bayelo ba Wana wa Boto belayalaka ko ongoma.