Popular Bible Verses from Luka 12

Share

Hūna lūūlū, na a bing'we ikalagi nzūgūlū-matū, nguno ū Ng'wana wa Munhū akwiza ng'wikanza īlo mutūliganikīlaga.”

Hū kūhaya būkoobagi tame ū būtemi bokwe, nī shose īshi mukongejiwa.”

Hūna ūbawīla gīkī, “Ikalagi miso; nīyo ilanghanagi nayo pyī ī mihayo ya kwikūmva, nguno ū būpanga bo ng'wa munhū būtī mu wingī bo shikolo īsho alī nasho.”

Nguno aho ūbisīlile ī sabo yako, nī ngholó yako īlolelile henaho.”

Ī gīsī alīho nani nūūlū ūmò wing'we ūyo adūgije kwiyongeleleja ī likanza lya būlamu bokwe kūlwa kwiyanga-yangīla wei ng'wenekīlī?

Hūna ū Yesu ūbawīla a bahemba bakwe gīkī, “Kūlwa nguno yenīyo nalīmuwīla yaya ū kwikala mukūkoya-koyelaga būpanga, gīkī mukūlya kī, nūūlū mibīlī ying'we, gīkī mukūzwala kī!

Lelo a bing'we bene nī nzwīlī jing'we ī ja mu ntwe pyī ī jose jimanilwe ū wingī wajo. Nose hū kūhaya mutogohage, nguno a bing'we mulī ba mpango ntaale no, kūtinda ī tūjū nūūlū jikakwīla na ginehe!”

“A bing'we ī chene mulī idale ido, kwike mutogohage, nguno ū Sīng'we gūnyegije gwa kūng'winha ū būtemi a bing'we.

Alijiganikīlagi ī noni, ī joi jitabībaga nūūlū jitagesaga, na hangī jitī na numba ya kūbīkīla shilīwa, nūūlū jitī na maluuli; alīyo ū Mulungu akajilishaga. A bing'we mujikīlile kūle no ī noni!

Hūna lūūlū, oyagi ū kwikala mukūkoya-koyaga kūkooba īsho mulalye, nūūlū īsho mulang'we; yaya ū kwikala ng'wenenghalaga.

Bing'we ba kūzunya kūdo, ū Mulungu ūyo akazwalīkaga maswa ga mu matogolo chiza gīko, ayo galīho ī lelo alīyo a ha ntondo gaponyiwa mu moto, angū a bing'we atūdūla kūng'wītīla mitaale kūtinda?

Nguno gūtīho mhayo gūkundīkīgije, ūyo gūtūkundūlīlwa; nūūlū gwibisile, ūyo gūtūfunījiwa ha ng'wape.