Popular Bible Verses from Luka 2

Share

Ī lelo yenīyī, ū mu nzengo go ng'wa Daūdi ng'wabyalīlagwa Mpīja, Kilisto Seeba.

Alīyo ū malaika ūbawīla gīkī, “Mutogohage, nguno nang'wenhela Nghūlū Jawiza, ījo jikūbiza ja būyegi būtaale kū banhū bose.

“Ikūjo lībize kūlī Mulungu higūlya no, nū mu sī ībize ho mhola ū kū banhū abo banyegije.”

Ū Yesu ūkūla, ongeja ū mu witegeleja, nū mu kūnyeja ū Mulungu, na a banhū.

Ī shimanīkījo shing'we shilī gīkī, mukūmona Ng'wana ng'weleele alingīīlilwe myenda ya sheleele, alaajiwe ng'wilīīlo lya mitugo!”

Ī mhandī jenījo baalīho badīīmi ba ngholo baalī lūgundīīga; baalī kū matogolo bakūlanghanaga madale ga ngholo jabo makanza ga būjikū. Bahayimanīla malaika o ng'wa Seeba obilongela, būpīndiwa na būpe w'ikūjo lya ng'wa Seeba, bogoha na kogohele kataale no!