Popular Bible Verses from Luka 9

Share

Hūna ūbawīla pye a bose gīkī, “Ūlū munhū atogilwe kūnilondeela ni idalahage wei ng'wenekīlī, ibūūkīje nsalaba gokwe būlī lūshikū, hū anilondeele.

Nguno būlī ng'wene ūyo atogilwe kūpīja būpanga bokwe, akūbūjimīīja. Alīyo ūyo ūbūjimīīja ū būpanga bokwe kūlwa nguno yane, ū ng'wenūyo akūbūpīja.

Alīyo ū Yesu ūng'wīla gīkī, “Atīho nūūlū ūmò wa kwandya kūlīma hūna wīmīīla kwikībūka kūlola ya kū numa, ūyo igeleelilwe kūbiza mu būtemi bo ng'wa Mulungu.”

Angū, ū munhū akūbiza na solobo kī nūūlū akīpandīka pyī ī sī, alīyo ū wei ng'wenekīlī ūyagala nūūlū ūjimīīla?

Nguno ose-ose ūyo ūcha minala kūlwa nguno yane nī mihayo yane, nanghwe ū Ng'wana wa Munhū akūcha minala kūlwa nguno yakwe ū munhū ng'wenūyo, ū ng'wikanza lya kwiza ng'wikūjo lyakwe na lya ng'wa Ise, na lya bamalaika beela.

Nanghwe ū Yesu ūng'wīla gīkī, “Ī nyamhawa jilī na myobo, nī noni ja kūlala najo jilī na chanjo, alīyo ū Ng'wana wa Munhū atī na ha kūlaaja nūūlū ntwe gokwe!”

Hūna ūbawīla gīkī, “Būlī munhū ūlū ūng'wanukūla nīgīnī gīt'ūyū mu lina lyane, wananukūlaga nene. Na būlī ng'wene ūyo ūnanukūla nene, numho wang'wanukūlaga ūyo anitūmile. Nguno ū ndo wa bado ū mu bing'we, ū ng'wenūyo hū ntaale.”