Popular Bible Verses from Maliko 14

Share

Ūhaya, “Aba, Baba, pyī ī yose īdūlīkanile ū kūlī bebe, nīngījage ī shikombe shenīshi, kwike īt'ūmo natogelilwe nene, alīyo ūmo ūtogelilwe bebe!”

Ikalagi miso mulombe mutizingīla mu kūgeng'wa, nguno ū moyo gūkalalilwe, alīyo ū mīlī ng'winogolelwa!”

Nīyo nalīmuwīla gwa nghana gīkī, hose-hose ū mu sī ūko jikūlomeelwa ī Nghūlū Jawiza, nū mhayo ūyo wagwīta gwenūyū gūkūhayiwa kūlwa kūng'wizūkwa.”

Ūbawīla gīkī, “Ī ngholó yane īlī na būpīna būdito no bo kūshisha mu kūcha. Lembeelagi henaha ng'wikale miso.”

Hūna lūūlū aho balīlya, ūsola ngatī. Ūlūmba hūna ūgūmeganya, ūbinha kūnū alīhaya gīkī, “Anukūlagi mulye, ū gwenūyū mīlī gwane.”

Ūsola na shikombe, aho wamala kūlūmba ūbinha būshing'wela pye a bose. Hūna ūbawīla gīkī, “A genaya gene mininga gane g'ilagane, ayo galidīka kūlwa nguno ya banhū bingī.

Hūna ū Yesu ūbawīla gīkī, “Pye a bose mukūnipeela, nguno gwandīkilwe gīkī, ‘Nakūntūla ū ndīīmi, jibbalasane ī ngholo!’

Būūkagi tūje, angū mulībona gīkī wegeela ū nodeeji wane!”

Ū Yesu ūng'wīla, “Nalīkūwīla gwa nghana gīkī, ū būjikū wenūbū, aho nghungulume ītaalī kwishokeela kūhīla, ū bebe ūkūbiza onilemaga nghangala idatū!”