Popular Bible Verses from Яхьъя 1

Share

Ткъа, Ша тӀе а эцна, Шех тешаш болчарна Делан бераш хила бакъо елира Цо.

Юьхьанца Дош дара. И Дош Делехь дара. И Дош Дела дара.

И серло боданехь къега. Бодано и серло эша а ца йина.

Дашах адам а хилира, Иза адамашна юкъахь Ӏаш а дара. ТӀаккха тхуна гира Дас Шен цхьаъ бен воцучу КӀантана делла олаллин нур. Иза диканах а, бакъдолчух а вуьзна а вара.

Дерриг а Дала цу Дашехула кхолла а кхоьллина, И доцуш, кхоьллинчух хӀумма а ца кхоьллина. Бакъдолу дахар Цунна чохь а дара, и дахар адамашна серло а яра.

ШолгӀачу дийнахь, шена тӀевогӀу Ӏийса а гина, Яхьъяс элира: «Хьажал, ХӀара Дала, кху дуьненара адамийн къинош тӀе а лаьцна, уьш дӀадахьа баийтина Ӏахар бу.

Дуьненна юкъахь а дара и Дош, Цуьнгахула дуьне а кхолладеллера, амма дуьнен чуьра адамашна И ца девзира. Шен махка веара Иза, ткъа шечара а И тӀе ца ийцира.

И бакъйолу Серло дуьнен чу йогӀуш яра, Цо муьлхха а адам серла а доккху.

ХӀунда аьлча товрат-хьехамаш Муса-пайхамарехула белла бара, ткъа Делера долу бакъдерг а, дика а Дала леррина къобалвинчу Ӏийсагахула деана ду.