Popular Bible Verses from Marko 10

Share

Aba gideaba Balleanda Siida ghayi mwoani egadiyeesa. Ghayi ghwaan Niny gagadiyeesa buuneeda nea ghwaan gabeagu eaweegaaschi aba gittinnooda fuga saang'a.”

Gwayeeshsha Yeesu saawa nea gang'ula gheanyanga nyaawa, “Huumwa gil aba siida mwadaagha ng'asheanji maygwaroochchi. Nea aba Aseetta nii ea miigili. Aseetta manda gichchea gwadilna.”

Ghwalamda Yeesu ak gwayeeshsha, “Una, ang'iing'i nihaapnyi masaweagaagu.” Miighoaw gil gabiikta gichcha Siidida ng'oawiin ghoang'wearda ghang'eat ak ghoang'ng'waay naweeda ghwaat geeshta Yeesu.

Asi fuga niroochchi Aseetta adagoheelli sih.”

Hean gong'weersa Yeesu siidida nea nubwariiy ak gwayeeshsha, “Ghwashoadeaweey gilagi, una akkishaaydi halanjeadaang'u indeawi sean amahit gigeanu lappiyeedida ak gidawaadi fuga barbari. Abeeda gaynyasa baruureega aba humng'eeda. Hit ginyuunyi eanni geeshtteanyu.”

Ghoanyaash Yeesu nea gwayeeshsha, “Gigasayi dasinneey naaha?” Gwayeeshsha Siitta ng'oawiin, “Ea Ginealshoochcheanda, aniini geagasayi dabiikta dang'wearda.”

Duukku agooga ea mii gichchea awurjeewana. Aba siida gasa hawunda aba jeedeang'wa doawa siideang'wa bea gadiyeeda.

Aba huumwa Gearukuneegwa gideaba siida mwamwastta ng'asheega Aseetta jeepta mwanang' siisi maygawa jeedeaba Gheambalmeani.”

Amaduw Fuga saang'a mida madedeaba suurja, gaygahuydeana sean. Nea fuga saang'a huydeanayyi, imuchchu gayghoaw fugeaba mwadi.”

Nea aba gidaghayi subwatta ng'eanyiida, gwasin Aseetta ng'edeeda ea gatmooda. Asi aba dascheani Siida gaygwaheelli ghwaan ea ghaamwat ak gaygodeayi sea gatmoadaannyi, Fiisu assiyyenyean gayghoaw siyagi. Asi fiisu mudea fii iyyeenya gil niiw siyagi.