Popular Bible Verses from Luka 5

Share

‘Ua uma ana a‘oa‘oga, ‘ona fetalai atu lea o ia ‘iā Simona, “Se‘i tu‘utu‘u atu le va‘a i le loloto ma tu‘u ifo ai o ‘outou ‘upega, ‘ina ‘ia maua ai ni i‘a.”

A ‘ua tali mai Simona ‘iā te ia, “Le Ali‘i e, ‘ua alu le po ‘atoa ‘ua matou fiu e fagogota, ‘ae ‘asa le faiva. Peita‘i, ‘ona o lau fetalaiga o le a ‘ou tu‘u ifo ai le ‘upega.” ‘Ona lafo loa lea e i latou le ‘upega, ma ‘ua maua ai i‘a e matuā tele, ‘ua toeitiiti lava māsae ai lo latou ‘upega.

A ‘ua maliu ‘ese o ia i le mea tu‘ufua e tatalo ai.

‘Ou te le‘i sau e vala‘au i ē e amiotonu, a o ē e agasala ia salamō.”

‘Ua iloa e Simona Peteru le mea ‘ua faia, ‘ona fa‘apa‘ū faō ai lea o ia i tulivae o Iesu, ma fai atu ‘iā te ia, “Le Ali‘i e, maliu ‘ese ia oe ‘iā te a‘u, auā o a‘u le tagata agasala.”

‘Ona tali atu lea o Iesu ‘iā te i latou, “E lē o tagata soifua mālōlōina, a o tagata mama‘i e mana‘omia le foma‘i.

‘Ua toso a‘e o latou va‘a i uta, ‘ona tu‘ua ai lea e i latou o mea uma, ‘ae mulimuli atu ‘iā Iesu.

Sa i ai Iesu i le isi ‘a‘ai na nofo ai le tagata ‘ua lilo lona tino i le lepela. ‘Ua iloa atu e ‘iā Iesu, ‘ona fa‘apa‘ū faō ai lea o ia i ona luma ma ‘ai‘oi atu, “Le Ali‘i e, ‘āfai ‘e te finagalo i ai, e mafai lava ‘ona e fa‘amālōlō ‘iā te a‘u.” ‘Ona ‘a‘apa atu lea o Iesu, ‘ua pa‘i atu ‘iā te ia, ma fai atu, “ ‘Ou te loto i ai, inā mālōlō ia oe.” ‘Ona te‘a loa lea o lona lepela.

‘Ae peita‘i, ‘ua atili ai ‘ona salalau o le tala ‘iā Iesu. ‘Ua potopoto mai fo‘i tagata e to‘atele e fia fa‘alogo ‘iā te ia ma fa‘amālōlōina o latou ma‘i.