Popular Bible Verses from Mareko 11

Share

O le mea lea ‘ou te fai atu ai ‘iā te ‘outou, so o se mea tou te tatalo atu ai ma le fa‘atuatua e faia lea mo ‘outou.

O le ‘upu moni ‘ou te ta‘u atu ‘iā te ‘outou, so o se isi e fai atu i lenei mauga: ‘ ‘Ia lia‘iina oe ma lafoina i le sami,’ e aunoa ma le māsalosalo o lona loto ‘ae talitonu o ia e taunu‘u lava, ‘ona faia lava lea fa‘apea ‘iā te ia.

So o se taimi tou te tutū ai i luga e tatalo, ia muamua ‘ona ‘outou fa‘amāgaloina nisi o lo‘o ‘outou tigā i ai ‘ina ‘ia fa‘amāgaloina fo‘i e lo ‘outou Tamā o i le lagi a ‘outou agasala.”

‘Ua tali atu Iesu ‘iā te i latou, “ ‘Ia ‘outou fa‘atuatua i le Atua.

‘Ona a‘oa‘o atu lea e ia i tagata: “E le o tusia ‘ea, ‘E ta‘ua lo‘u fale o le fale tatalo mo tagata uma.’ A o lenei ‘ua faia e ‘outou ma nofoaga o ē e faomea.”

‘Ua ‘alalaga fo‘i e na muamua ma e na mulimuli, “Osana ia manuia lē o lo‘o maliu mai i le suafa o le Ali‘i.

‘Ia manuia le Mālō o lo tatou tamā o Tavita, o le a o‘o mai. Osana i mea aupitoaluga.”