Popular Bible Verses from Mareko 13

Share

O le ā ‘inosia ‘outou e tagata uma ‘ona o lo‘u igoa; a o lē e tumau se‘ia o‘o i le i‘uga e fa‘aolaina.

‘Ia ‘outou mataala auā tou te le iloa le taimi e o‘o mai ai.

‘Āfai e pu‘eina fa‘apagotā ‘outou e i latou ma tu‘uina atu i le fa‘amasinoga, ‘aua tou te popole po o ā ni a ‘outou fa‘amatalaga e fai atu; o le ‘upu lava e tu‘uina atu ‘iā te ‘outou i lenā lava taimi o le ‘upu lea tou te tautala atu ai; auā e lē o ‘outou e tautala atu a o le Agaga Pa‘ia.

E mavae atu le lagi ma le lalolagi, a o a‘u ‘upu e lē mavae atu lava.

“E leai se isi na te iloa po o afea e o‘o mai ai lenā aso po o le taimi; e o‘o i agelu i le lagi ma le Atali‘i e le iloa e i latou, ‘ua na o le Tamā lava na te silafia.

A o‘o mai tau‘a pe fa‘alogo fo‘i ‘outou i tala o tau‘a, ‘aua tou te popole vale; auā e tutupu lava ia mea a o le‘i o‘o i le gata‘aga.

O lea, ‘ia ‘outou mataala ai, auā tou te le iloa po o afea e sau ai le matai o le ‘āiga; po o le afiafi po o le tulua o po ma ao, po o le vivini o moa, po o le oso o le la. ‘Āfai e sau fa‘afuase‘i o ia, ‘aua ne‘i maua mai ‘outou o momoe. O le mea ‘ua ‘ou fai atu ai nei ‘iā te ‘outou, ‘ou te fai atu ai fo‘i i tagata uma: ‘Ia mataala.”

Auā o le ā si‘i tau‘a le isi nu‘u i le isi nu‘u, o le isi mālō fo‘i i le isi mālō. E i ai fo‘i mafui‘e ma oge i mea uma lava. O nei mea uma o le amataga lea o puapuagā.

E tatau ‘ona tala‘iina muamua le Tala Lelei i nu‘u uma.

E to‘atele tagata o le ā ō mai ma fa‘asesē ‘outou i lo‘u igoa i lo latou fai mai, ‘O a‘u lava lenei.’

“ ‘Ia ‘outou fa‘aeteete; auā e tu‘uina atu ‘outou e i latou i luma o fono, ma sasaina ‘outou i sunako, tou te tutū fo‘i i luma o ē e pule ma tupu ‘ona o a‘u, e fai ma molimau ‘iā te i latou.

Auā e tutū mai Keriso pepelo ma perofeta pepelo; e faia fo‘i e i latou fa‘ailoga ma mea ofoofogia ‘ina ‘ia fa‘asesēina ai tagata e o‘o lava i le ‘au filifilia, pe ‘āfai e mafai.

“A mavae puapuagā ‘ona le toe susulu lea o le la ma le masina. E pa‘u‘ū fetū ma lūlūina fo‘i ‘au a le lagi.