Popular Bible Verses from Juan 12

Share

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

Keriꞌ chuqaꞌ, xa achike na jun chiwech rix, ri ja ri aj rochꞌulew rukꞌaslen ndupoqonaj, ma ndiril ta ri kꞌaslen ma ndikꞌis ta, pero xa achike na jun ri ma ndupoqonaj ta ri aj rochꞌulew rukꞌaslen chin nduqꞌasaj kꞌayew roma ngiroqaj, kin ndiril ri kꞌaslen ma ndikꞌis ta.

Kin qetzij nibꞌij chiwa: Rikꞌin ri nukꞌaslen ndibꞌanatej achel ndibꞌanatej rikꞌin jun chꞌuti ruwech trigo. Si ma xtimuq ta pa ulew, ma ndibꞌos ta, xa kin junajaꞌ ruwech ndikanej, pero si xtimuq, ndibꞌos pe y santienta ruwech nduyaꞌ.

Ja riyin ri luz ri xinuqaqa chochꞌulew, chin keriꞌ ri nditaqin wichin, ma ndikanej ta pa qꞌequꞌ.

Si jun ndirakꞌaxaj ri nutzij y ma ndubꞌen ta ri ndubꞌij, ma riyin ta ri ngiqꞌato tzij pa ruwiꞌ, porque riyin ma chin ta riꞌ xinuqaqa, riyin xinuqaqa chin ngenkal ri wineq.

Ja atoq riꞌ ri María xutzꞌen jun laꞌeq nikꞌaj litro jubꞌulej aqꞌon santienta rajel rubꞌiniꞌan nardo ri nixta jun achike xolon rikꞌin, y xuqꞌij chikij raqen ri Jesús y xerusuꞌ rikꞌin rusmal ruwiꞌ. Y ri achoch apeꞌ ekꞌo xnoj rikꞌin ruxlaꞌ ri aqꞌon riꞌ.

xekitzꞌamalaꞌ ruqꞌaꞌ teq palma, y xeꞌel pe chukꞌulik ri Jesús, y ngesikꞌiyaj chubꞌixik: ¡Nim ruqꞌij re Kolonel reꞌ! ¡Kin nimalej favor kꞌo pa ruwiꞌ re pataneq pa rubꞌiꞌ ri Ajaw Dios, ja rijaꞌ ri ndok Rey pa qawiꞌ roj israelitas!

Pero ri Jesús xubꞌij chake: Ja xuqaqa ri tiempo chi riyin ri aj chikaj ri xinuꞌalex chiꞌikajal ngitzolij e chikaj y ndikꞌojeꞌ chik nimalej nuqꞌij.