Popular Bible Verses from Juan 17

Share

Tabꞌanaꞌ chake ri eꞌayoꞌon chuwa chi ndikijech más kiꞌ chunimaxik ri atzij, porque ri atzij rat, jariꞌ ri qetzij.

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

Y ma xe ta koma ri xaꞌayaꞌ chuwa nikꞌutuj, nikꞌutuj chuqaꞌ koma konojel ri xketaqin wichin roma ri tzij ri xtikitzijoj rejeꞌ, chin keriꞌ jun kánima ndikibꞌen konojel, achel rat Nataꞌ jun awánima abꞌanun wikꞌin y riyin jun wánima nubꞌanun awikꞌin, keriꞌ ta kꞌa chuqaꞌ rejeꞌ xe jun ndikibꞌen qikꞌin roj, chin keriꞌ ri wineq ri ma rat kitaqin ta ndiketamaj chi ja rat taqayon pe wichin.

Riyin ma nikꞌutuj ta chawa chi kaꞌawelesaj e chochꞌulew, xa kin nikꞌutuj chi kaꞌachajij chin ma ketzaq pa ruqꞌaꞌ ri itzel.

Kin achel ri abꞌanun chuwa yin chi kin kꞌo nuqꞌij, keriꞌ chuqaꞌ nubꞌanun chake rejeꞌ, chin keriꞌ jun kánima ndikibꞌen, achel roj jun qánima qabꞌanun. Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.