Popular Bible Verses from Juan 4

Share

Ri Dios kin Espíritu wi, romariꞌ ri ngeyoꞌon ruqꞌij, ndikꞌatzin ndikiyaꞌ ruqꞌij rikꞌin nojel kánima y eꞌukꞌuan roma ri Espíritu Santo.

Pero ja nduqaqa ri qꞌij, y ri qꞌij riꞌ ja xuqaqa, atoq ri qetzij ngeyoꞌon ruqꞌij ri Tataꞌaj Dios, ndikiyaꞌ ruqꞌij rikꞌin nojel kánima y eꞌukꞌuan roma ri Espíritu Santo, porque ri Tataꞌaj Dios ja ri keriꞌ ngebꞌanun ri ngerukanoj chin ndikiyaꞌ ruqꞌij.

Pero ri nditijo ri yaꞌ ri niyaꞌ yin chare, ma jumbꞌey chik xtichaqiꞌj ruchiꞌ, porque ri yaꞌ ri niyaꞌ yin kin ndubꞌen chare ri ránima achel jun alaxbꞌel yaꞌ apeꞌ ndichoxin pe ri yaꞌ. Y ri yaꞌ riꞌ ndukꞌuan chupan ri kꞌaslen ma ndikꞌis ta.

Ri Jesús xubꞌij chare: Xa ta awetaman achike chi sipanik nduyaꞌ ri Dios, y xa ta awetaman chuqaꞌ achike ri Jun ri ndikꞌutun jubꞌaꞌ ruyaꞌ chawa, ja ta rat ri ngakꞌutun ayaꞌ chare rijaꞌ, y rijaꞌ nduyaꞌ chawa ri yaꞌ ri ndikꞌamo pe kꞌaslen.

Y ri Jesús xubꞌij chake: Ri rikil nuway riyin, ja ri nibꞌen ri rurayibꞌel ri taqayon pe wichin, y nikꞌis chuqaꞌ rubꞌanik ri samaj ruyoꞌon pa nuqꞌaꞌ.

Ri ixaq xubꞌij chare: Re pozo nej bꞌaneq qa rupan, y rat maneq abꞌambꞌal chin ndawelesaj jubꞌaꞌ yaꞌ. ¿Apeꞌ kꞌa awelesan pe ri yaꞌ ri ndikꞌamo pe kꞌaslen ri ndasuj?

Ri ixaq xubꞌij chare ri Jesús: Riyin wetaman chi kꞌo jun qꞌij nduqaqa chochꞌulew ri Cristo, ri Jun nditaq pe roma ri Dios chukolik ri rutinamit, y atoq nduqaqa, rijaꞌ nojel achike nduruqꞌalajrisaj chiqawech. Ri Jesús xubꞌij chare ri ixaq: Ri jun achoq pa ruwiꞌ ngachꞌaꞌa rat, ja yin ri ngitzijon awikꞌin.

Kixámpe, teqatzꞌetaꞌ jun achi ri xubꞌij chuwa nojel ri nubꞌanaloꞌon pa nukꞌaslen. ¿Ma ja ta kami rijaꞌ ri Cristo ri ndibꞌix chi nditaq pe roma ri Dios chukolik ri rutinamit?