Popular Bible Verses from Lucas 11

Share

Y si rix ri ma utz ta inoꞌoj iwetaman ndiyaꞌ utzulej teq achike chake ri iwalkꞌuaꞌl, ¡kin más wi retaman ri aj chikaj Tataꞌaj Dios. Rijaꞌ kin xtuyaꞌ pe ri Espíritu Santo chake ri ngekꞌutun chare!

Y riyin nibꞌij chiwa: Ma tiyaꞌ kan rukꞌutuxik ri ndikꞌutuj y kin xtiyoꞌox chiwa, tikanoj ri ndiwojoꞌ y kin xtiwil, kixkꞌujkꞌut apu chi puerta y kin xtijaq pe chiwech.

Porque konojel ri ma ndikiyaꞌ ta kan rukꞌutuxik ri ndikikꞌutuj, kin ndiyoꞌox wi chake. Keriꞌ chuqaꞌ ri ndikikanoj ri ndikajoꞌ, kin ndikil wi, y ri ngekꞌujkꞌut apu chi puerta, kin ndijaq wi pe chikiwech.

Ri Jesús xubꞌij chake: Rix atoq ndibꞌen orar, kereꞌ tibꞌij: Qatataꞌ Dios, kin jumul tinimrisex ri loqꞌolej abꞌiꞌ, Kin ta nduqaqa yan ri qꞌij atoq ndabꞌen reinar pa ruwiꞌ nojel.

Takuyuꞌ ok ri mak qabꞌanun, Porque roj chuqaꞌ eqakuyun Konojel ri kꞌo itzel kibꞌanun chaqe. Y ma ndayaꞌ qꞌij chi ngojtaqchiꞌix chin ngojtzaq pa mak. Keriꞌ tibꞌij.

Ri qaway ri ndikꞌatzin qꞌij-qꞌij, tayaꞌ kꞌa ok chuqaꞌ chaqe wokami.

Ri lámpara chin ri ru-cuerpo jun wineq ja ri runaqꞌ teq ruwech. Si rikꞌin utzulej ránima jun wineq ndutzꞌet nojel, nojel ri ru-cuerpo nojneq rikꞌin luz, pero si rikꞌin ma utzulej ta ránima ndutzꞌet nojel, nojel ri ru-cuerpo kꞌo pa qꞌequꞌ.

Ma jun wineq ndutzij jun lámpara chin nduyaꞌ apeꞌ ma ndiqꞌalajin ta pe, nixta nduyaꞌ chuxeꞌ jun cajón, xa kin nduyaꞌ ri lámpara pariꞌ rukꞌojlibꞌel, chin keriꞌ ri ngeꞌok apu pa jay ndikitzꞌet kibꞌey.