Popular Bible Verses from Lucas 14

Share

Si kꞌo jun ndirajoꞌ ngiroqaj, pero xa más ndirajoꞌ qa riꞌ rijaꞌ, o más ngerajoꞌ rute-rutataꞌ, rixjayil, eralkꞌuaꞌl, ruchaqꞌ-runimal, o eranaꞌ, ke chuwech ngirajoꞌ riyin, ma rukꞌulun ta chi ndok nu-discípulo.

Y jun wineq ri ndirajoꞌ ndok nu-discípulo, ndikꞌatzin chi ma ndupoqonaj ta nduqꞌasaj kꞌayew roma ngiroqaj, achel xa ta kin bꞌaneq chuxeꞌ ru-cruz chin ndekamisex. Jakꞌa ri wineq ri xa ndupoqonaj nduqꞌasaj kꞌayew roma ngiroqaj, ri jun riꞌ ma rukꞌulun ta chi ndok nu-discípulo.

Porque si jun ruyon chuwech ndunimrisaj riꞌ, kin xtiqasex ruqꞌij, pero ri nduqasaj riꞌ, kin xtinimrisex ruqꞌij.

Keriꞌ chuqaꞌ, xa achike na jun chiꞌikajal ri ma ndirajoꞌ ta nduyaꞌ kan nojel ri ruchajin woma riyin, ma rukꞌulun ta chi ndok nu-discípulo.

Porque si jun chiꞌikajal rix ndirajoꞌ ndubꞌen jun torre, ¿la ma nabꞌey ta kami nditzꞌuyeꞌ y ndirajilaj si ndubꞌen o ma ndubꞌen ta ri méra kꞌo rikꞌin chin ndupabꞌaꞌ ri torre? Porque si xaxe ok ri ruxeꞌ ri torre nditiker nduyaꞌ qa y nduchꞌaqabꞌaꞌ kan rubꞌanik, re achi reꞌ xa ndiyoqꞌ koma konojel ri wineq ri xketzꞌeto richin. Y kereꞌ xtikibꞌilaꞌ chirij: La jun achi laꞌ xutzꞌen rubꞌanik jun torre, pero xa ma xtiker ta xukꞌis rubꞌanik.

Pa rukꞌexel riꞌ, atoq rat ndabꞌen jun yalan chi rikil chin ndasipaj, kaꞌawoyoj ri maneq ok kichajin, ri ma tzꞌaqet ta kiqꞌa-kaqen, ri ngejetzꞌmaꞌy ngebꞌiyin y ri esoqꞌ, y keriꞌ kin jabꞌel roꞌaqꞌij ndikꞌojeꞌ, porque rejeꞌ ma ngetiker ta ndikitzolij rajel-rukꞌexel chawa ri ndayaꞌ chake. Pero xa kin ndiyoꞌox rajel-rukꞌexel chawa chupan ri qꞌij atoq ri wineq ri xkikꞌuaj jun chojmilej kꞌaslen ngekꞌastajbꞌex pe chikikajal ri animaꞌiꞌ.

Romariꞌ nibꞌij chuqaꞌ chi hasta ri atzꞌan ri kin kꞌo ndikꞌatzin wi, si ndikꞌis e ri retzꞌamil, ¿achike kꞌa jun ta ndibꞌan chare chin nditzolij chi pe ri retzꞌamil? Nixta utz chik chin ndixol rikꞌin ulew o ndok abono, xaxe chik ndiroqix e saqil. Ri nditiker ndukꞌoxomaj reꞌ, tukꞌoxomaj kꞌa.