Popular Bible Verses from Lucas 21

Share

Roma kꞌa riꞌ, tichajij ri ikꞌaslen, y tikꞌutuj chare ri Dios chi nduyaꞌ uchuqꞌaꞌ chiwa chin ngixqꞌax chupan nojel ri kꞌayew nubꞌiꞌin pe chiwa ri nduqaqa yan pa ruwiꞌ ri rochꞌulew. Tikꞌutuj chuqaꞌ chi ma ngixkꞌix ta ngixbꞌeqaqa chinuwech riyin ri aj chikaj ri xinuꞌalex chiꞌikajal, xchajeꞌ ri Jesús.

Pero rix tibꞌanaꞌ cuenta iwiꞌ, ma tibꞌa iwánima pa ruwiꞌ ri qꞌabꞌarik y ri apux achike ndukꞌen pe ri qꞌabꞌarik, nixta tichꞌujrisaj iwiꞌ chukanoxik ri ngekꞌatzin chiwa, ma kꞌateꞌ atoq xtinabꞌej, ja xuqaqa yan ri qꞌij riꞌ pa iwiꞌ.

Si ma xkixtzolij ta chiwij y jumul xtikachꞌ iwech hasta pa rukꞌisibꞌel, kin xtikolotej ri ikꞌaslen.

Porque riyin ngiyoꞌon tzij pa ichiꞌ y nojibꞌel chiwa, y nixta jun chikiwech ri wineq ri koyowal chiwa xtikaney runoꞌoj chin ta xtutzolij ruwech itzij.

Ri kaj y ri rochꞌulew ngekꞌis, pero ri tzij enubꞌiꞌin, ma xe ta keriꞌ ngekꞌis, xa kin xkebꞌanatej wi nojel.

Y ngetzꞌetetej etal chuwech ri qꞌij, chuwech ri raqen ikꞌ y chikiwech ri chꞌumilaꞌ, y chochꞌulew ri jalajaj kiwech wineq kixibꞌin kiꞌ y ma ndikil ta rubꞌeyal achike ndikibꞌen porque ri mar santienta ndiwujuj y santienta ndibꞌolqotilan, ri wineq ndel e kánima ndikinaꞌ roma kixibꞌriꞌil chunojixik achike xtukꞌulwachij ri rochꞌulew, porque ri nimalej teq uchuqꞌaꞌ ri erichin chikaj ngeꞌelesex pa teq kikꞌojlibꞌel. Ja atoq riꞌ nginitzꞌet riyin ri aj chikaj ri xinuꞌalex chiꞌikajal, chi yin pataneq pa jun nube rikꞌin nimalej uchuqꞌaꞌ y nimalej nuqꞌij.

Y roma yin itaqin, itzel ngixtzꞌat koma konojel wineq.

Jalajaj teq apeꞌ ngebꞌanatej nimaꞌq teq kobꞌraqen, ndipuꞌun wayijal y yabꞌil. Y cho kaj kꞌo chuqaꞌ ngebꞌanatej ri ndaxibꞌij awiꞌ rikꞌin y kꞌo nimaꞌq teq etal xtitzꞌetetej ri ma jumbꞌey etzꞌeton.

Atoq ndiwakꞌaxaj chi ngetajin guerras y chi ekꞌo wineq ri ngeyakatej chikij ri ngebꞌanun gobernar, ma tixibꞌij iwiꞌ, porque ndikꞌatzin chi keriꞌ ndibꞌanatej nabꞌey. Pero ma ja yan ta nduqaqa ri rukꞌisibꞌel chin nojel. Y ri Jesús xubꞌij chuqaꞌ chake: Chupan teq ri qꞌij riꞌ, ri wineq chin jun rochꞌulew ngeyakatej chikij wineq chin jun chik rochꞌulew, y keriꞌ chuqaꞌ reyes kikꞌin ri ki-soldados ndekibꞌanaꞌ guerra chake chꞌaqa chik reyes.

Y ngetzꞌetetej etal chuwech ri qꞌij, chuwech ri raqen ikꞌ y chikiwech ri chꞌumilaꞌ, y chochꞌulew ri jalajaj kiwech wineq kixibꞌin kiꞌ y ma ndikil ta rubꞌeyal achike ndikibꞌen porque ri mar santienta ndiwujuj y santienta ndibꞌolqotilan, ri wineq ndel e kánima ndikinaꞌ roma kixibꞌriꞌil chunojixik achike xtukꞌulwachij ri rochꞌulew, porque ri nimalej teq uchuqꞌaꞌ ri erichin chikaj ngeꞌelesex pa teq kikꞌojlibꞌel.

Y ri Jesús xubꞌij chuqaꞌ chake: Chupan teq ri qꞌij riꞌ, ri wineq chin jun rochꞌulew ngeyakatej chikij wineq chin jun chik rochꞌulew, y keriꞌ chuqaꞌ reyes kikꞌin ri ki-soldados ndekibꞌanaꞌ guerra chake chꞌaqa chik reyes.

Y ri Jesús kereꞌ xubꞌij chake: Tichajij iwiꞌ chi nixta jun tichꞌakatin iwichin, porque ekꞌiy ngetuqaqa ri kereꞌ ndikibꞌilaꞌ: Ja riyin ri taqon pe roma ri Dios chukolik ri rutinamit, ngechajeꞌ, y ndikibꞌij chuqaꞌ chi ja xuqaqa ri qꞌij bꞌiꞌin kan. Pero rix ma titaqij ri ndikibꞌij.