Popular Bible Verses from Марк 14

Share

Піди чоохтанған Ол: – Авва Пабам! Прай ниме Синің холыңда: пу ӱлӱзімні хыйа ит пир Мағаа. Че, Мин хынғанни итпе, Позыңның кӧңнін толдыр.

Хыҷыхха пастырбас ӱчӱн, узубаңар, пазырыңар. Кізі кӧңні кӱстіг, че ит-сӧӧгі порт.

Сынны чоохтапчам сірерге, прай чир-чалбахта Чахсы Хабар тарадылар, ноо даа чирде пу ипчі ундулбас ӱчӱн, ол иткен нимедеңер чоохталар.

Иисус оларға теен: – Чобаам сині чох улуғ, ол Мині ӧдір парир. Узубин пол турыңар мында.

Олар азыранчатханнарында, Иисус, халас алып, алғабысхан. Анаң, сындырып, ӱгренҷілеріне пирген аны: – Алыңар, чіңер. Пу Минің ит-сӧӧгім.

Анаң, чірче алып, алғап, ӱгренҷілеріне пирген. Прайзы ол чірчедең іскен. Иисус теен оларға: – Пу чірчеде Наа Молҷағны таныхтапчатхан ханым, кӧп кізінің ӱчӱн тӧгілер ол.

Иисус оларға теен: – Пу хараазын сірер прайзыңар Мині тастирзар. Пазыл парған нооза: «Хадарҷыны ӧдірібізербін, хойлары тарасхлап парарлар».

Турыңар, парааңар. Мині садыбысхан кізі чағдап килді.

Андада Иисус ағаа теен: – Сынны чоохтапчам сағаа, пуох хараазын, питук ікі хати тапсаанҷа, Миннең ӱс хати тӧдір поларзың.