Popular Bible Verses from Яхья 21

Share

Олар ас ишип болганнан сонъ, Иса Шимон Петерге: «Юнус улы Шимон! Буларга караганда Мени бек суьесинъме?» – деди. Петер: «Аьше, Раббий! Меним Сени ярататаганымды билесинъ де!» – деди. Иса: «Козыларымды бак», – деди. Иса экинши кере: «Юнус улы Шимон, Мени суьесинъме?» – деди. Петер: «Аьше, Раббий! Сени ярататаганымды билесинъ де!» – деди. Иса: «Койларыма суьруьвши бол», – деди. Уьшинши кайта Иса: «Юнус улы Шимон! Мени яратасынъма?» – деди. Петер: «Мени яратасынъма?» – деп уьшинши кере соравына мыдахланып, айтты: «Раббий! Сен баьри затты билесинъ. Сени ярататаганымды да билесинъ». Иса: «Койларымды бак.

Сага дурысын айтаман: сен яс заманынъда оьз кайысынъды оьзинъ байлап, кайда суьйсенъ, сонда бара эдинъ, а картайсанъ, баска бирев сени байлап, сен унамаган орынга аькетер», – деди.

Сол заманда Иса: «Йылымды кайыктынъ онъ ягыннан тасланъыз эм ысларсыз», – деди. Олар йылымды тасладылар, балык коьп болганнан себеп, сувдан шыгараялмадылар.

Шимон Петер: «Мен балык ысламага бараман», – деди. Йолдаслары: «Биз де сени мен барамыз», – деп токтастылар. Соьйтип тыска шыгып, кайыкка миндилер, ама сол кеше бир зат та ыслаялмадылар.