Popular Bible Verses from JON 15

Share

Ngo rosannii ke, nunu halloh atañ ke. Hu ngiiko giigela du, ho ngo mohko, hiika hii mo ahee abuje hikiñdo, niimpalukoda ngiiko hokii giisa tola nunu hang miila kemake.

Ngiiko giigela duto, ho ngo nunuko. Niihtañ pa halloh hii attohpa ahee hisu lama, nii dahepa hii rosannii ho giigela dutema, nunu tiirḛ hiila kema, nii dahepa nunu ngiiko giigela dutema.

Nunu matiirḛ ngiiko giige dokoda, ho ngiika aguñ nunuko giido koda, kuto niijalo nunuka heniiñmi, ho hiimi nunupa miibi kendoke.

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

Simi kayeya miyu hennii nyikiñma, miyu attoh ka sango mi mohka ajiñ atañ paka hempa biniiñ.

Halloh buhe abi ngiiko hoka giinii ahee hima koda, mo papa du, ho halloh buhe abi ahee hiniiñ mi mo miini du, niimpalukoda hiimi ahee abu yapa hike nendupa.

“Siika sike ngiika lujubiniiñ, nunu kone anyañ mi hensu to ngiika nunu mika henchañho.

Siika silo ngiika Aba assañkodu, nunuka abuje ahee hiniiñlo, ho ngiika henjeajiñ hiila kakiñ siito.

Ngo jije rosannii ke, ho ngiika Aba rosannii mika miini niike.

Miyu matiirḛ ngiiko giige makoda, mohmi halloh mika pachañ ho papadu ho sendu; ho halloh atañmi tukuñ lala, yamu ho gopa liidu ho hompa du.

Siika drih atañmi ngo nunumi luko biilyi ke, niimpalukoda ngiika hempyo hii nunuko doke nendupa, ho nunuka hempyo hii poteje dopa.

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

Siika sike ngo nunumi lubii lyiniiñ, kone anyañmi hensu tolya.

Nunu matiirḛ dohadolo kiikoda, dohadolo hii henkiñdo mo attoh kiimi; hojalo nunu dohadolo kiima, ngo nunumi kahe tiiku dohadolo hokii, hopa dohadolo hii nunumi kanamapa miido.