Popular Bible Verses from JON 6

Share

Jisu mohlumi lutii, “Ngo sango ka yatañ ke; huna ngiiko ahdonii hii haya kemake, ho huna ngiimi henje talyinii hii iche tiirḛ hangḛr kema.

Si yajiyallo ke sango bidonii, asiialyoho piigo amake; ngiika nunu mika aguñ luniiñ hiike yajiyallo la sango nyi.

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

Jisu mohlumi lusitii, “Siika sike Pinii ka miigo, nunuka mohmika henjenii hii humina mo kiiniñ tiinii.”

Hikha Aba ka ngiimika biniiñhii ngiiko ahkiñdo; ho huna ngiiko ahdonii ngo hiimi mompa tama.

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

Kone hetrḛ ngiiko ahla kemake nii dahepa Aba ngiiko mohmi nelii bitema; ho ngo hiimi kami allo ho seri talyi.

Niimpalukoda Pinii ka yatañ hiike dariiganda hokii todonii, ho sango bido dohadolo mi.”

Ngo sango ka yatañ ke.

Jisu ho yatañ mi latii, ho payapacho lulala, mo mohlumi bitii duha tola ka dunii atañmi; hiichuli ngiiyyi mitrḛ, niimkane mohlu diinado bitii. Ho mohlumi mohluka erre ho diide pake nelala, mo mohka henjeajiñ atañmi lubiido, “Tiikuñ toku petupeponii palle mi, niimpalukoda hang dopa madopa.”

Mohlu nyatu pohiñ pope pahe khoku lala, mohlu Jisu mi yasie ho ila dopa kappa biido ho hulu ka aruñho ahdopa. Mohlu biisotii, hojalo mo mohlumi lutii, “Si ngoke; biisoyo.”