Popular Bible Verses from LUK 12

Share

Nunu tiirḛ henjula loda duto, niimpalukoda miyu ka Oho ahkiñdo ahlyido hiilaka hema doho.”

Hiilamapa, mohka raddeganda miya meto, ho siika drih atañ tiirḛ nunupa dokiñ doke.

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”

Niimpalukoda no nunuka alḛrdrih do, hiiko nunuka ahha tiirḛ dobo monkiñdo.

Ho hu nunu hena biidola nunuka sango mi ladutuye sambya dopa miila kendo?

Ho mo lutii mohka henjeajiñ atañmi, “Hopa ngo nunumi lukoso, henayo nunuka sango pa, niihyu diichinii, malo niika apopa, niihyu nunu giichinii hiila.”

Niimpa, niika dinta daka dimmu lohepa hikha khiito la doke. Biisoyo; nunu abuje paripiita atañmi khiiniiñ yapa lyidoke.

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

Puha atañmi kato; mohlu alima ho amoo tiirḛ lama, Mohlukii ude atii tiikuñ ko ho nesu tiirḛ nyima, hojalo Pinii mohlumi diigo hobiida. Ho henkato niimkane nunu piita atañmi hentola khiiniiñ yapa lyido!

Ho meyo niihpe nunu diichinii ho niihna nunu tanchinii, ahha tiirḛ henayo.

Hojalo Pinii matiirḛ aji hoka tammi dunii miya hiimkane hembyuñ do siilo sando ho ardaka piichañ hoka jopa saniiñmi, niimkane uro yapa nunumi mo hembyuñ kendo, nunu henje papo atañ?

Hangkone tiirḛ aputola dokiñ make kakiñ mapa, malo achuñtola michimapa.