Popular Bible Verses from TADPADBO 16

Share

Paliuniu haichiu din-e, “RAPIU niu aliutu Egypt dihga kamshat misai wirabo-e, Aliuniu siga bamsai, aliuniu tiu kani hina, chami-chakhadi ntao lujiu tiubam rabo-e. Chiudi nanainiu aliutu haibo ramjingga pijiu katiu makim shatra puipadbo-e”. RAPIU niu Mose khuga din-e, “Tuhoira Iniu naliu mathiu leng katiuse tingpuk lamsu runkiu khai bine. Maidung siniu naimachang tadlujiu naikhat leng tiu kabuibo khoi rabo-e. Sichiujiu paliuniu aladse dejiukha piubamlo chiubo Iniu paliutu madiu lubui-e.

Sibo ramjingga paliu mathiuse Mose nai Aaron khuga suini makbo lad dinsude.

Mose niu dinlan-e, “Nsuan susai naliuniu tiu kanithen tiura taruak, chawan wangsai chami tiura naliuleng RAPIU niu pikhai sune, palamra naliuniu dejiukha patu suini makbo lad din bamlo chiubo pah silude. Naliuniu anaitu suini makbo hai pachangjiu RAPIU tu suini makbo-e”.

“Israel mainiu suini makbo khuanse Iniu chiulude. Tamiu-ham wangsai paliuniu tiura chami, khatdi nsuan padsai paliuniu tiu kanithen tiura taruakse paliuniu daorabo-e chiujiu paliu khuga dinkhai bilo. Sigasu I hai, RAPIU, paliu Rawang-e chiubo paliuniu sisune”.