Popular Bible Verses from ROMEMAI 8

Share

Tingwang niu pamaning saisuijiu kulumai khatdi patu lungsamai lengra palam hinaga wikam najiu tadkiu lura kamkhai-e.

Palamra Iniu malumbo sira kashaiboniu tadi, karingboniu tadi, tinggen mazadungniu tadi, kangambo maidungniu tadi, pumtan bambo mawangpao maidungniu tadi, tuhoi bamboniu tadi, wangkinboniu tadi, tinggen lam bamboniu tadi, kadih hanglam bamboniu tadi, kakibo gandamniu tadi, aliu Rapiu Khrista Jesu pen gasu, Tingwang niu kakungbo gasu aliutu kam npek ngamlura wakhatnadi ha-e.

Sikumjiu Hiupuina siniudi, aliuniu kasonboga nkha khai-e. Palamra aliuniu khengbuibose dechiu khengralo chiubo aliuniu simakge, chiudi Hiupuina papum siakniu, chaladniu dinsi lulakbo katang aliu lam ponjiu Tingwang khuga khengjiu bamme.

Sichiusai aliuniu haibo lamga degu dinralo? Tingwang hai aliuleng-e sai, aliutu atungrabo saolo?

Sijengniu tuhoi Khrista Jesu ga khat thiumibo maidungtu kamaoboga piwang khai lakge.

Chamaina maning sira kashaibo-e, chiudi Hiupuina maning sira karingbo khatdi agi-manaibo-e.

Chiudi aliutu lungsa khaibibo Rapiu donniu palam hinaga aliura kangam maidung suang nkiu-e.

Tuhoi ken-ga chariu magenthiubo haise aliu khuga madu khairabo kendibo situ wadaodi pon kada silakge chiubo Iniu maning-e.

Sichiusai aliutu Khrista gu kakungbo gasu kampang ngambo sao bamlo? Lungchun chariubo niuma? Megenthiubo niuma? Kamathadbo niuma? Katiu kasak riangbo niuma? Kalek sabo niuma? Kapingbo niuma? Maksai kashaibo niuma?

Chamaina lungchun ngaobo Tingwang niu Hiupuina gu maning delo chiubo si-e; palamra Hiupuina siniu Tingwang maningga pamaidung lam chapjiu kheng bambo-e.

Tingwang Hiupuina siniu majangkhai bibo maidung hina Tingwang nahdung-e.

Sichiujiu chamaina lunlungga lungmai siniu chamaina lungchun-ga maning-e. Hiupuina lunlungga lungmai siniu Hiupuina lungchun-ga maning-e.

Tingwang paniu Nahpiu siaktudi masiak makjiu, aliu mathiuleng pipad khai bisai, paniu mania hina aliuleng matha pikhai lakma? Paniu Panahpiu situ aliuleng pikhai mibo makma?

Aliu Tingwang nahdung-e chiubo din madura Tingwang Hiupuina siniu aliu hiupuina situ nkhakhai-e. Haichiujiu panahmai thiu-e sai, paniu pamaidung leng kaden khaibo thoidamse aliu daorabo-e. Sichiujiu Khrista gu chariubose aliuniu padam lumacham khai sai, pagu kendibo sidi aliuniu padam lutao macham rabo-e.

Chamaina chunning siniu Tingwang gu mikre thiumibo-e; palamra paniu Tingwang gu Tacheng-tajai situ majai makge khatdi majai ngam lakge.

Palamra gandam hinaniu charijiu khuanbambo sira Tingwang nahmaidungtu madukhai rabo situ-e.

Palamra gandam hina siniu tuhoi katangbo maipui manathad kumjiu kap marungjiu bamme chiubo aliuniu si-e.