Popular Bible Verses from JOHON 10

Share

Sikhok le katswi khoknani, butharnani tei sokomornani simi se phai-o. Ang le bórok mwthangjak thung hwnwi phaima se, mwthangjak súk thung hwnwi phaima se.

“Ang’-no mera mwrwknai kaham, mwrwknai kaham merarokni bagwi thwiwibo mano.

Ani merarok ani kók khna-o, ang bórokno sini-o, phiya bórokbo ano rwktharo.

Ang bórokno mwthang phlai-o, bórok tei komor phlai glak, phiya khoroksa phano bórokno ani yakni segwi tlang man glak.

Ang’-no duglam. Ani tẃi hapnai borok bo’-se mwthangjaknai; bo bisingo ma hapnai, phataro ma thángnai, hakhe sulabo mannai.

Ang’-no mera mwrwknai kaham. Apha ano sini-o, angbo Aphano sini-o, abo hai’-no angbo ani merarokno sini-o, bórokbo ano sini-o. Hakhe ang bórokni bagwi thwiwibo mano.

Omorokno ano rwnai Apha bebakni slái kotor. Aboni bagwino omorokno Aphani yakni khoroksa phano segwi naui man ya. Apha bai ang chwng thansa se.”

Ang’-no mera mwrwknai kaham. Apha ano sini-o, angbo Aphano sini-o, abo hai’-no angbo ani merarokno sini-o, bórokbo ano sini-o. Hakhe ang bórokni bagwi thwiwibo mano.

Khoroksa phano ano buthar ya; ani muchung tẃi’-no ang thwi-o. Ang thwiwibo mano, thangwibo mano. ‘Ahai’-no khlai di,’ hwnwi Apha ano dagi-o.”

Aboni bagwino hai’-no hai Jisu hai hwnwi sa kha, “Ang norokno sóino kubui kók sa-o, ang’-no merarok hapnani duglam.

Muni tubujaknai borok bo mera mwrwknai ya, merarokbo bini ya; bo geguma phaima nuk kheno merarokno khibiui kháro. Hakhe geguma a merarokno bangkhárwibo tlango, piring-poroibo khlai-o.

“Ang norokno sóino kubui kók sa-o, kutni duglam tẃi hap yaui kwrẃngsa swk tẃi hapnai borok bo sikhok se, dagait se.