Popular Bible Verses from JOHON 14

Share

“Ang norokno khá kwchang rwui klangnai, ang khá kwchangma hai ang norokno khá kwchang rwnai. O swngchar khá kwchang rwma hai khe ang norokno rw glak. Norok ta uana di, tabo ta kiri di.

Jisu bono hai hwnwi sa kha, “Angno lama, ang’-no kubui, ang’-no langma; ani bising tẃi phai ya khe khoroksano phano Aphani aro phaiwi man ya.

Jisu hai hwnwi sa kha, “Norok ta uana di. Kaitorno poito khlai di, anobo poito khlai di.

Apha ani mungwi Chubanai Phola Kwthar rohor anw, abono norokno bebak phrwng anw, phiya ang norokno sa langmarokno bo muitu khlai rwui rw anw.

“Ani kókno khnaui abo hai khe tongnai borok bo se ano hamjaknai. Ano hamjaknaino Aphabo hamjaknai, angbo bono hamjaknai, phiya bo bai nukjaknai.”

Ang Aphano sa anw, hakhe bo norokno tei khoroksa Chubanai rohor anw. Abo’-no kubuini Phola, bo norok bai tong phlainai. Swngchar bono nubo nuk ya, sibo sini ya, aboni bagwi swngchar bono yachagwi man ya. Tamo khe bo norokni aro norokni bisingo tongma bai norok bono sininai.

Phiya ani mungwi norok mungsa swk san khe ang abono khlainai, hakhe Sajlani bising tẃi Aphani chẃngsacha phunukjak anw. Norok ani thani ani mungwi mungsa swk san khe ang abono khlainai.”

“Norok ano hamjak khe ani kók ma khnanai.

Aphani nogo tongthai kwbángma tongo. Ang norokni bagwi tongthai snam sokna thángo. Wng ya khe norokno ang o kók sa glak kha mun.

Ang tháng baiwi tongthai snam anw, ulo ang kiphilwi phaiwi norokno ani aro tlang phai anw, hakhe ang tong thani o norokbo tongwi man anw.

Thoma bono hai hwnwi sa kha, “Subrai, nwng buro thángnai chwng saui man ya; bahai khe aroni lamano chwng saui mannai?”