Popular Bible Verses from LUK 5

Share

Bo kók sa baiwi Simonno hai hwnwi sa kha, “Twi kuthugo rung tlang di, hakhe a romna bagwi chei bu di.”

Simon hai hwnwi sa kha, “Hoda, chwng hopung bu sini bu-ui masa phano man ya. Hai phano nini kók bai tei uáisa bu khe bu-ui nai phina ta.” Bórok chei bu-ui nai ba á kwbángma kasaui chei se kichik twtwi wngwi tong kha.

Bo khe siring siring kwrẃngsa-o thángwi suri sanwi tongwi kha.

Ang bórom gwnangrokno sumsok yakar di hwnwi sana phai ya, basijakrokno se ang sana phai-o.”

Ahai wngmarokno nugwi Simon Pitor Jisuni yakung yaphango klaiwi “Subrai, ang sumsok gwnang borok! ani oroni tháng di!” hwnwi sa kha.

Jisu bórokno hai hwnwi sa kha, “Kahamni daktor nang ya, hamyani se nango.

Rung khungnwino hakungo tisaui bórok tong kwrwi bebak’-no khibi kabu-ui Jisuni logi tháng lai kha.

Salsa Jisu taun khungsa-o tongmani, aro bwsak gwnangwi biyadi chájak borok khoroksa tongo. Bo Jisuno nuk kheno pwtapsa klaiwi hai hwnwi koiwi kha, “Hodasa, nwng ano ham rwna khe ham rwui mano.” Jisu yak phologwi bono tangwi “Ham di, ang nai-o,” hwnwi sa kha. Logi logi’-no a borokni biyadi kwmaui tháng kha.

Hai phano Jisuni kók yang yang kaham khe pírjak kha. Bini kók khnana hwnwi tei hamya hamna hwnwi borok kwbángma bini thani phai lai kha.