Popular Bible Verses from LUK 9

Share

Bo bebakno hai hwnwi sa kha, “Ani logi phaina khe a borok bini sakni kók ta uansuk thung, sal brúm brúm sakni krus balwi ani logi phai thung.

Kwthang tongna muchungnai borok bo thwinai; phiya ani bagwi thwinai borok bo thangnai.

“Al chuai twtwi uklok naisik naisiknai borok bo Kaitorni hani borok wngna chúk ya,” hwnwi Jisu sa kha.

Thwi tháng kha hwn khe eba komorwi tháng kha hwn khe bebak swngcharno manẃi ba a borok tamo manma klai?

Ano tẃi eba ang samani kókno tẃi tumungno khoroksa swk lachijak khe Borokni Sajlabo sakni chẃngsacha bai, Buphani chẃngsacha bai tei suari kwtharrokni chẃngsacha bai chẃngsacha khe phai phuru a borokno tẃi lachijaknai.

Jisu bono hai hwnwi sa kha, “Siyalni hakhor tongo, toksa-toktẃirokni bothop tongo, Borokni Sajlani le kwrẃngsa phano bokhorok bomna se kwrwi.”

hai hwnwi sa kha, “Ani mungwi o chwraino yachaknai borok bo ano’-no yachago; phiya ano yachaknai borok bo ano rohornainobo yachago. Norokni bisingo kusu hwn khe bo’-no tor kugo.”