Popular Bible Verses from JOHAN 10

Share

Shatmaq, ahuk skukhok na nyap wa tlaq kriika, skukong kra huk wa, atsea wa, kiimaq ashthen baiq wa ngutli watlo. Shatmaq, ngi saükikang arka, namshiq raq aliim ale rilung kra milap laq nguta kikang.

“Ngi ahata maiqshaq sku rümti we. Skukong khupi ma atsai khamti we.

I skukong riika i bom tai tlo. Ngi riimin, tsangshiq ka loweatek asap ha. Krai mren, tsangshiq raq i jai phan tlo.

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

Ngi ahata skukhok kilamchong. Juwa ngi lümaq khok mong na watlaq, kriika khup wong kuqshat mirüm kom wan. Apaiq ka dongki dong wa mihaisiq. Apaiq dung chang nyiimrü ka tlung tiiwii mihum phaq.

Shatmaq, ngi ka amakshaq sku rümtiwe. I We raq itsan i tsii ka jamkho sap tlaq, kiikhiisii hali, ngi riimin, i We tsantsii ka asap ha. Kiikhiisii hali, ngi raq i skuse kong tsantsii kiimin asap ha. Kiimaq i skuse kong riimin ngi ka asap. Krai mren, ngi ka tsangshiq khupi miitu atsai kham tiikang.

I We raq ngi ma jamlai wa kuq taq kriika, wiita thaq na ajong pinthum kuq wanto. Kiimaq tsangshiq ka i We wokhong na sitlo. I We wokhong wiika jurmin nyea wa lot mak. I We nainai ka ashi li.”

Shatmaq, ngi ka amakshaq sku rümtiwe. I We raq itsan i tsii ka jamkho sap tlaq, kiikhiisii hali, ngi riimin, i We tsantsii ka asap ha. Kiikhiisii hali, ngi raq i skuse kong tsantsii kiimin asap ha. Kiimaq i skuse kong riimin ngi ka asap. Krai mren, ngi ka tsangshiq khupi miitu atsai kham tiikang.

Maiq raq jurmin i lang ka tiipit lot mak. Shatmaq, ngi raq i tsiitsii maq, i miisaq ka kiinong kuq baiq tiikang. I miisaq ka tan wan miitu arang ka ngi raq hotiikang. Kiimaq, i miisaq ara tiijang wan nong miitu arang kiimin, ngi raq holata sitiikang. Ara aming arka, i We raq ngi ma akuq.”

Kriikha miishe, Jesuq raq tsangshiq ma akha chongkuqto, “Ngi raq chongtiikang arka tengteng: Ngi ahata skukhok kilamchong.

Maiq amaq kham miitu sku rümti kriika, skukong tati ka riimak. Kriikha maq, apaiq raq ümtiikiiwa she kaü ka skukong kaq wa, awarai chhi jiiq, kra chhi raüla, apaiq ka ahai sitsi ma, skukong kra jai na miimbaiq thü raüta, aju rai miraq. Krai mren, she kaü ka wa raüta skukong ka tiipin miijin jo raüta, wiita mikaq phaq wan.

Jesuq raq chongto, “Ngi raq chongtiikang arka tengteng: Maiq ümriiti riiwa sku khok mong na kilü maq wamak, shatmaq rukthaq maq jin raüta, watlaq, kriiti ka ahuk kiimaq thiimeaq.