Popular Bible Verses from SHONGZĀ 2

Share

Kala Varena athumwui ringkhangā chi shāda, Abraham, Isaac, kala Jacobli tuingashit kasā chi phaningunga. Kala Varena Israelnaobingli yanglaga athumwui kashok-kazang chi theimi.

Atam kasāngkhawui thili Egyptwui awunga thihaowa. Kala Israelnaobingna raopamwui lungli khanangda ringkhangā khangahui, kala ngachonmi khavai khangakao chi Varewuili shākai.

Kala nao chi raruda Pharaohwui naongalāva̱li khuivāmi, kala awui nao sāhaowa; kala ana ali Moses da phokmi, kaja ana hānga, “Ali ina tara̱wui eina khuikashokna.”

Kala Pharaohwui naongalava̱na hānga, “Nao hi iwui vang ungnganaomilu, ina chiwui aman mira.” Chieina preiva̱ china nao chi khuida ungnganaokhui.

Atam chichangli Pharaohwui naongalava̱ kongli ra̱vaikida awui rao sha̱naobingli ngasoda kongpheili vai; kala titi zingli luknao chi kathei eina raopava̱li vākhui ngasaka.

Mosesna raruda, thangzimikshokha awui mibingli yaovāda athumwui kharita ot kasā chi thei; awui mi, Hebrew akhali Egyptnao akhana shaokasā athei. Ana kapeiung kapeivāda mi maleikasā eina Egyptnaopā chili sāthatlaga situilungli yātphumhaowa.