Popular Bible Verses from HAOKAPHOK 32

Share

Chieina ana hānga, “Nawui ming Jacob maholuimara, kha Israel hora, kaja nana Vare eina mikumoli nganurda nana yuihaira.”

Chieina mi china hānga, “Kazing thangki jihaira, ili chihohaolu.” Kha Jacobna hānga, “Ili nana masomiranglakha eina tangda nali mathui ngasakmara.”

Jacobmāng pamhaowa; kala kazing kathang eina tangda mi akhana ali rāngatuka.

Chiwui vang eina Jacobna apam chiwui aming Peniel phokmida hānga, “Kaja ina Vareli mai eina mai ngasunda kathei samphanghaira, thalala iwui mirin kanmihaira.”

Mi china Jacobli mayuirarthura kaji theilaga ngatukmamānda Jacobwui shaksha̱ shimetshokmihaowa.

Chieina ana Jacobli ngahāna, “Nawui aming khipā hokhala?” Ana “Jacob” hoi da hānga.

Chieina Jacobna ngahāna, “Nawui ming hāngmilu, ina kapona.” Kha ana hānga, “Khiwui vang eina nana iwui ming ngahānkhala?” Kala chili ana Jacobli somi.

nana narao ili hiyākha leikashi, mayonkhami hi iwui matik maningmana, ina khāmshui singlaga Jordan kānhaira, ara iwui khalalei katonga khum khani sāhaira.

Chiwui vang eina aja eina tangda Israelnaobingna ashaksha̱ phonkhavai anonān chi mashaimana, kaja ana Jacobwui shaksha̱ shimet khamili chiwui anonānli singza̱haowa.

Chieina Jacobna hānga, “O ishāvā Abrahamwui Vare, kala ishāvā Isaacwui Vare; O PROHO ili, ‘Nawui ngalei kala theisāli hanunghaolu, ina kaphā sāmira’ da kahānga

Ishamei Esauwui pāng eina ili huimilu da ina nali poli, kaja I ali ngacheeya, naoshinaobing kala preiva̱ ngarā ithum saikorali ana rālaga shaothathaipai.