Atam khaleilaga awui akhavāpreiva̱na Josephli ningchanghaowa; kala, “Ngasopisa” da hānga, Kha ana mamayāmada akhavāwui preiva̱li hānga, “Yanglu, I khaleiwui vang iwui akhavāna awui shimli khalei otbingwui vang khikha maphaningluimana, kala ot kachiva̱ ana iwui pāngli horsangmiserhaira; shim hili ana ili mareimeimana; na maningla ot khangatei ili mahorsangkhami maleimana, kaja na awui preiva̱na; chithakha hiyākha kahaka makaphā ot sāda ina kathāda Varewui mangāli morei sapairakhala?”