Popular Bible Verses from Lík 18

Share

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil? Fan ilobuul, Ateemit fan akooŋeniil li mahilaamu. Bale nan Añool-An ammuu li álaañul, fan átookul fíle bukan kabaje káyinen li etaamaye?

Yéesu li aaniil: — Wah waheeke bukan kakaan, uyilaat uheek Ateemit kakaan.

Atiibaawu li afan anaak ahoy bakaan wahawu wan anaalaawu aloboolumuu jow fiyo, li aan li buyinumool: «Maayeet min íkoliwutumuu Ateemit ban isuuwut an, bale anaalaawu ummu ahokumuu áyinool li ayokenom ŋáa’. Fan isenool bakooŋ li anawu an kubajoomuu. Ikaanut momuu, fan anaak abil al̥ol̥l̥okenom.»

Li mal̥egenamu fan ilobuul, an ayabutumuu Jáyiiyaju jata Ateemit loon añiil atit, anawu ummu let anoken dó maayeet.

Bale Yéesu li áhooñul bañiilabu ban li aan: — Jikat bañiilabu min bubil búmbaam. Jakum jíhiliil kubilum. Mata Jáyiiyaju jata Ateemit jata bukanabuku kanokoomuu li buko.

Yéesu li aan ánayinaawu: — Kama ujuk! Káyineni kufakenifaken.

Yéesu li aanool: — Wáa újiye li uhooñom anahaan ajake? Bajut an ajake, Ateemit balewool ajake.