Popular Bible Verses from Aʻmál 2

Share

Patras ne un se kahá, ki Tauba karo, aur tum meṉ se har ek apne gunáhoṉ kí muʻáfí ke liye Yisúʻ Masíh ke nám par baptisma le; to tum Rúhuʼl Quds inʻám meṉ páoge.

Aur yih rasúloṉ se taʻlím páne, aur rifáqat rakhne meṉ, aur roṭí toṛne aur duʻá máṉgne meṉ mashgúl rahe.

Aur wuh sab Rúhuʼl Quds se bhar gaye, aur gair zabáneṉ bolne lage, jis tarah Rúh ne unheṉ bolne kí táqat baḳhshí.

ki yakáyak ásmán se aisí áwáz áí, jaise zor kí áṉdhí ká sannáṭá hotá hai, aur us se sárá ghar jaháṉ wuh baiṭhe the, gúṉj gayá. Aur unheṉ ág ke shuʻle kí sí phaṭtí húí zabáneṉ dikháí díṉ; aur un meṉ se har ek par á ṭhahríṉ. Aur wuh sab Rúhuʼl Quds se bhar gaye, aur gair zabáneṉ bolne lage, jis tarah Rúh ne unheṉ bolne kí táqat baḳhshí.

Aur har roz ek dil hokar haikal meṉ jamaʻ húá karte, aur gharoṉ meṉ roṭí toṛkar ḳhushí aur sádadilí se kháná kháyá karte the; aur Ḳhudá kí hamd karte, aur sab logoṉ ko ʻazíz the. Aur jo naját páte the, un ko Ḳhudáwand har roz un meṉ milá detá thá.

Ḳhudá farmátá hai, ki aḳhirí dinoṉ meṉ aisá hogá, Ki maiṉ apní Rúh meṉ se har bashar par ḍálúṉgá; Aur tumháre beṭe aur tumhárí beṭiyáṉ nubuwwat kareṉgí; Aur tumháre jawán royá, Aur tumháre buḍḍhe ḳhwáb dekheṉge

Aur jo ímán láe the, wuh sab ek jagah rahte the, aur sárí chízoṉ meṉ sharík the; aur apní jáedád aur asbáb bech bechkar har ek kí zarúrat ke muwáfiq sab ko báṉṭ diyá karte the.

Aur yih hogá, ki jo koí Ḳhudáwand ká nám legá naját páegá.

Súraj tárík aur chánd ḳhún ho jáegá, Peshtar is se ki Ḳhudáwand ká ʻazím aur jalíl din áe.