Popular Bible Verses from Aʻmál 4

Share

Aur kisí dúsre ke wasíle se naját nahíṉ; kyúṉki ásmán ke tale ádmíoṉ ko koí dúsrá nám nahíṉ baḳhshá gayá, jis ke wasíle se ham naját pá sakeṉ.

Jab wuh duʻá máṉg chuke, to jis makán meṉ jamaʻ the, wuh hil gayá, aur wuh sab Rúhuʼl Quds se bhar gaye, aur Ḳhudá ká kalám dilerí se sunáte rahe.

Ab, ai Ḳhudáwand, un kí dhamkiyoṉ ko dekh; aur apne bandoṉ ko yih táufíq de, ki wuh terá kalám kamál dilerí ke sáth sunáeṉ

Yih wuhí patthar hai, jise tum miʻmároṉ ne haqír jáná, aur wuh kone ke sire ká patthar ho gayá.

Jab unhoṉ ne Patras aur Yúhanná kí dilerí dekhí, aur maʻlúm kiyá ki yih anpaṛhe aur náwáqif ádmí haiṉ, to taʻajjub kiyá; phir unheṉ pahcháná, ki yih Yisúʻ ke sáth rahe haiṉ.

Aur ímándároṉ kí jamáʻat ek dil aur ek ján thí, aur kisí ne bhí apne mál ko apná na kahá, balki un kí sab chízeṉ mushtarak thíṉ.