Popular Bible Verses from Ḳhurúj 5

Share

Is ke ba‘d Músá aur Hárún ne jákar, Fir‘aun se kahá, ki ḲHUDáWAND Isráíl ká Ḳhudá yúṉ farmátá hai, ki Mere logoṉ ko jáne de, táki wuh biyábán meṉ mere liye ‘íd kareṉ.

Kyúṉki jab se maiṉ Fir‘aun ke pas tere nám se báteṉ karne gayá, us ne in logoṉ se buráí hí buráí kí; aur tú ne apne logoṉ ko zará bhí riháí na baḳhshí.

Tab Músá ḲHUDáWAND ke pás lauṭkar gayá, aur kahá, ki Ai ḲHUDáWAND, tú ne in logoṉ ko kyúṉ dukh meṉ ḍálá, aur mujhe kyúṉ bhejá?

Fir‘aun ne kahá, ki ḲHUDáWAND kaun hai, ki maiṉ us kí bát ko mánkar baní Isráíl ko jáne dúṉ? Maiṉ ḲHUDáWAND ko nahíṉ jántá, aur maiṉ baní Isráíl ko jáne bhí nahíṉ dúṉgá.

Aur in se utní hí íṉṭeṉ banwáná, jitní wuh ab tak banáte áe haiṉ. Tum us meṉ se kuchh na ghaṭáná, kyúṉki wuh káhil ho gaye haiṉ, isí liye chillá chillákar kahte haiṉ, ki Ham ko jáne do, ki ham apne Ḳhudá ke liye qurbání kareṉ. So in se ziyáda saḳht mihnat lí jáe, táki kám meṉ mashg̣úl raheṉ, aur jhúṭhí bátoṉ se dil na lagáeṉ.