Popular Bible Verses from Ḳhurúj 7

Share

Phir ḲHUDáWAND ne Músá se kahá, Dekh, maiṉ ne tujhe Fir‘aun ke liye goyá Ḳhudá ṭhahráyá: aur terá bháí Hárún terá paig̣ambar hogá.

Aur maiṉ Fir‘aun ke dil ko saḳht karúṉgá, aur apne nishán aur ‘ajáib mulk i Misr meṉ kasrat se dikháúṉgá. Taubhí Fir‘aun tumhárí na sunegá, tab maiṉ Misr ko háth lagáúṉgá, aur use baṛí baṛí sazáeṉ dekar apne logoṉ baní Isráíl ke jathoṉ ko mulk i Misr se nikál láúṉgá.

Aur maiṉ jab Misr par háth chaláúṉgá, aur baní Isráíl ko un meṉ se nikál láúṉgá, tab Misrí jáneṉge ki maiṉ ḲHUDáWAND húṉ.

Tab Fir‘aun ne bhí dánáoṉ aur jádúgaroṉ ko bulwáyá, aur Misr ke jádúgaroṉ ne bhí apne jádú se aisá hí kiyá. Kyúṉki unhoṉ ne bhí apní apní láṭhí sámne ḍálí, aur wuh sáṉp ban gayíṉ, lekin Hárún kí láṭhí un kí láṭhiyoṉ ko nigal gayí.

Pas ḲHUDáWAND yúṉ farmátá hai, ki Tú isí se ján legá, ki maiṉ ḲHUDáWAND húṉ: dekh, maiṉ apne háth kí láṭhí ko daryá ke pání par márúṉgá, aur wuh ḳhún ho jáegá.

ki Jab Fir‘aun tum ko kahe, ki Apná mu‘jiza dikháo, to Hárún se kahná, ki Apní láṭhí ko lekar Fir‘aun ke sámne ḍál de, táki wuh sáṉp ban jáe. Aur Músá aur Hárún Fir‘aun ke pás gaye, aur unhoṉ ne ḲHUDáWAND ke hukm ke mutábiq kiyá: aur Hárún ne apní láṭhí Fir‘aun aur us ke ḳhádimoṉ ke sámne ḍál dí aur wuh sáṉp ban gayí.