Popular Bible Verses from Yúhanná 12

Share

Agar koí shaḳhs meri ḳhidmat kare, to mere píchhe ho le; aur jaháṉ maiṉ húṉ, waháṉ merá ḳhádim bhí hogá; agar koí merí ḳhidmat kare, to Báp us kí ʻizzat karegá.

Jo apní ján ko ʻazíz rakhtá hai, wuh use kho detá hai; aur jo dunyá meṉ apní ján se ʻadáwat rakhtá hai, wuh use hamesha ki zindagí ke liye mahfúz rakkhegá.

Maiṉ tum se sach sach kahtá húṉ, ki Jab tak gehúṉ ká dána zamín meṉ girke mar nahíṉ játá, akelá rahtá hai; lekin jab mar játá hai, to bahut sá phal látá hai.

Maiṉ núr hokar dunyá meṉ áyá húṉ, táki jo koí mujh par ímán láe andhere meṉ na rahe.

Agar koí merí báteṉ sunkar un par ʻamal na kare, to maiṉ us ko mujrim nahíṉ ṭhahrátá; kyúṉki maiṉ dunyá ko mujrim ṭhahráne nahíṉ, balki dunyá ko naját dene áyá húṉ.

Phir Maryam ne jaṭámásí ká ádh ser ḳhális aur beshqímat ʻitr lekar Yisúʻ ke páṉwoṉ par ḍálá, aur apne báloṉ se us ke páṉw poṉchhe, aur ghar ʻitr kí ḳhushbú se mahak gayá.

khajúr kí ḍáliyáṉ líṉ, aur us ke istiqbál ko nikalkar pukárne lage, ki Hoshaʻná! mubárak hai wuh jo Ḳhudáwand ke nám par átá hai, aur Isráíl ká bádsháh hai.

Yisúʻ ne jawáb meṉ un se kahá; Wuh waqt á gayá, ki Ibn i Ádam jalál páe.